2019 წლის ყველაზე კრიმინალური ქალაქების ჩამონათვალი ცნობილია. კრიმინალის ინდექსის მიხედვით მსოფლიოს 378 ქალაქი შეფასდა.
საქართველოს დედაქალაქი 2019 წლის Numbeo-ს ინდექსის მიხედვით ჩამონათვალში 305-ე ადგილზეა, 2018 წელთან შედარებით მისი პოზიციები 7-ით გაუმჯობესდა. 2018 წელს კრიმინალური ინდექსის მიხედვით თბილისი 312-ე ადგილზე იმყოფებოდა.
თუ საქართველოს დედაქალაქი სტატუს, როგორც უსაფთხო ქალაქისას ისე ვიხილავთ, ის ჩამონათვალში მე-15 ადგილზე იმყოფება და გასულ წელთან შედარებით პოზიციები 1-ით გაიუმჯობესა.
კვლევის მიხედვით 2019 წელს 2018 წელთან შედარებით კრიმინალის ინდექსი თბილისში 0.05-ითაა შემცირებული, უსაფრთხოების ინდექსი კი 0.05-ით არის გაზრდილი.
სტატისტიკური კვლევების ორგანიზაცია Numbeo-ს ინფორმაციით, მსოფლიოში ყველაზე კრიმინალური ქალაქი ვენესუელის დედაქალაქი კარაკასია. ყველაზე ნაკლებად კრიმინალური კი, სიის მიხედვით, არაბთა გაერთიანებული საამიროების დედაქალაქი აბუ-დაბია.
მსოფლიოში ყველაზე კრიმინალური ქალაქების ათეული ასეთია.
10. რიო დე ჟანეირო, ბრაზილია
9. პრეტორია, სამხრეთ აფრიკა
8. რესიფი, ბრაზილია
7. იოჰანესბურგი, სამხრეთ აფრიკა
6. დურბანი, სამხრეთ აფრიკა
5. შაჰ ალამი, მალაიზია
4. ფორტალეზა, ბრაზილია
3. პიტერმარიცბურგი, სამხრეთ აფრიკა
2. სან პედრო სულა, ჰონდურასი
1. კარაკასი, ვენესუელა
ყველაზე ნაკლებად კრიმინალური ქვეყნების ათეული კი ასე გამოიყურება:
10. ციურიხი, შვეიცარია
9. მიუნხენი, გერმანია
8. ბერნი, შვეიცარია
7. ტოკიო, იაპოანი
6. ოსაკა, იაპონია,
5. კვებები, კანადა
4. სინგაპური, სინგაპური
3. ბაზელი, შვეიცარია
2. დოჰა, კატარი
1.აბუ-დაბი გაერთიანებული საამიროები
