თეოლოგი ლაშა დეისაძე-შარვაშიძე საქართველოს საპატრიარქოსგან ითხოვს, ოფიციალურად გააპროტესტონ ეს “შეურაცხმყოფელი წერილი და მასში წარმოდგენილი საქართველოს ეკლესიის მეთაურის ტიტულატურის დემონსტრაციულად დამამცირებელი მოხსენიება”. წინააღმდეგ შემთხვევაში, ის წერს, რომ საპატრიარქოს აზოგადოების მხრიდან პრორუსულობასთან დაკავშირებით მხილების კიდევ ერთხელ ატანა სამართლიანად მოუწევს:
“რუსეთის პატრიარქად წოდებულმა, ანტიქრისტეს წინამორბედმა კირილე გუნდიაევმა კიდევ ერთხელ ოფიციალურად და ხელმოწერით გამოხატა, რომ სრულიად საქართველოს კათოლიკოს-პატრიარქს არ სცნობს ბიჭვინთისა და ცხუმ-აფხაზეთის მიტროპოლიტად. ბოლშევიკმა გუნდიაევმა ეს გააკეთა არც მეტი და არც ნაკლები, სამძიმრის ოფიციალურ წერილში, რომელიც გაუგზავნა სრულიად საქართველოს კათოლიკოს-პატრიარქს, სამთავისისა და კასპის ეპისკოპოს დამიანეს ტრაგიკული გარდაცვალების გამო.
მეტიც, თუ აქამდე, კირილე გუნდიაევი საქართველოს ეკლესიის მეთაურს ოფიციალურ წერილებში მიმართავდა, როგორც მხოლოდ სრულიად საქართველოს კათოლიკოს-პატრიარქს და არ ახსენებდა მის ტიტულატურაში არც მცხეთა-თბილისის მთავარეპისკოპოსს და არც ბიჭვინთისა და ცხუმ-აფხაზეთის მიტროპოლიტს, ახლა უკვე საქართველოს ეკლესიის მეთაურის ოფიციალურ ტიტულატურაში ახსენა მცხეთა-თბილისის მთავარეპისკოპოსი, რითაც, ფაქტობრივად დემონსტრაციულად გამოტოვა მხოლოდ ბიჭვინთისა და ცხუმ-აფხაზეთის მიტროპოლიტი.
კეთილი ინებოს საქართველოს საპატრიარქომ, რომელსაც გააჩნია პრეტენზია, საზოგადოება თუ რატომ უყენებს მას ბრალდებას პრორუსული გადახრების შესახებ, ოფიციალურად გააპროტესტოს ეს შეურაცხმყოფელი წერილი და მასში წარმოდგენილი საქართველოს ეკლესიის მეთაურის ტიტულატურის დემონსტრაციულად დამამცირებელი მოხსენიება, წინააღმდეგ შემთხვევაში, საზოგადოების მხრიდან მხილების კიდევ ერთხელ ატანა სამართლიანად მოუწევს.”- წერს თეოლოგი ლაშა დეისაძე-შარვაშიძე
რუსეთის პატრიარის სამძიმარი საქართველოს პატრიარქს და შეკვეცილი ტიტულატურა – პატრიარქი კირილი ილია მეორეს ოფიციალურ სამძიმრის წერილს უგზავნის, სადაც მას ბიჭვინთისა და ცხუმ-აფხაზეთის მიტროპოლიტად არ მოიხსენიებს.
