ქუთაისის ცენტრალურ ბულვარში არსებული კაფე “სავანეს” მეპატრონეებს შენობის დაზინებით ემუქრებია. ამის შესახებ პოსტს თავის ფეისბუკ გვერდზე კაფეს “სავანე” ერთ-ერთი მეპატრონე ირაკლი ტურაბელიძე აქვეყნებს.
“მეგა ტვ” პოსტს უცვლელად გთავაზობთ:
“სავანეში” მოვიდა პიროვნება (დიდად სერიოზულის არაფერი ეტყობოდა) და მოგვთხოვა გიორგი გიორგობიანის ფოტო ამოგვეჭრა ბანერიდან, რაზეც უარი განვუცხადე და დამემუქრა სავანეს მინების ჩამტვრევით! ამტკიცებს, რომ გიორგობიანი ჩემი ბიძაშვილიაო! თუმცა მე უბრალო მოგზავნილი პროვოკატორი მგონია”- წერს ირაკლი ტურაბელიძე.
ცნობისთვის, კაფე-ბარის “სავანე” მეპატრონეები ქუთაისის ადგილობრივ ხელისუფლებას მათთვის ბიზნესის წართმევაში ადანაშაულებენ. პროტესტის ნიშნად, კაფის მეპატრონეებმა შენობაზე ბანერი გამოაკრეს წარწერით: გვართმევენ. ბანერზე ქალაქის მერი მერი გიორგი ჭიღვარია, ვიცე-მერი იუზა უგულავა, გიორგი გიორგობიანი და მერიის იურიდიული განყოფილების უფროსი ირაკლი გიორგაძე არიან გამოსახული.
