გადაცემა “შუადღე ქუთაისში” სტუმართან, ზაზა ქარჩხაძესთან ერთად ვისაუბრეთ ნარკოპოლიტიკაზე და იმ მიდგომებზე, რომელიც წლების მანძილზე სახელმწიფოს ნარკოდამოკიდებული ადამიანების მიმართ ააქვს. გადაცემის სტუმარმა ხაზგასმით აღნიშნა, რომ ნარკომომხმარებლების რაოდენობა წლიდან წლამდე მზარდია და ამის ფონზე სახელმწიფო რეპრესიულ მიდგომებს არ ცვლის:
“ზიანის შემცირების პუნქტები ვაწარმოებთ სტატისტიკას, ჩვენ ჩვენი ბენეფიციარები გვყავს , რამოდენიმე ათასის ფარგლებში გვყავს იმერეთის მასშტაბით და დიდი ნაწილი აქედან ქუთაისზე მოდის. არიან ორგანიზაციები, რომლებიც ამ მიმართულებით კვლევებს ატარებენ. ეს კვლევები აჩვენებენ, რომ მომხმარებელთა რიცხვი წლიდან წლამდე იზრდება. ინექციური მომხმარებლების რიცხვი 60000-მდეა უკვე ასული საქართველოში, ეს მხოლოდ ინექციური მომხმარებელი, ვინც მძიმე ნარკოტიკს მოიხმარს, აქ არ არის საუბარი სააფთიაქოზე, მარიხუანის მომხმარებლებზე. კატასტროფის ზღვარზე ვართ -ასე შეიძლება მოკლედ რომ ვთქვათ. ისეც მცირერიცხოვანი ერი ვართ და ამხელა რაოდენობა , მით უფრო ამ ხალხს სახელმწიფო კრიმინალებად თვლის და მეტი არაფერი”.
