30 ათასზე მეტმა ამომრჩეველმა, რომელიც ადრე „რესპუბლიკური პარტიის“ წევრად იყო რეგისტრირებული აზრი შეიცვალა და ტრამპის მხარდამჭერთა მიერ კაპიტოლიუმზე შეტევიდან რამდენიმე კვირის შემდეგ პარტიის ამომრჩეველთა რეესტრიდან ამოეწერა. ამის შესახებ სტატიას გამოცემა The Hill ავრცელებს, სადაც ვკითხულობთ:
„სწორედ ამ საკითხმა გამოიწვია სენატში ყოფილი პრეზიდენტის წინააღმდეგ იმპიჩმენტის პროცედურები და საკანონმდებლო ინიციატივის საფუძვლად ძალადობის წაქეზება დაასახელა.
განდგომის მასიური ტალღა პრაქტიკულად უპრეცედენტო პარტიული მიგრაციაა, რამაც შეიძლება პრობლემები მოუტანოს რესპუბლიკელებს, არადა საპრეზიდენტო არჩევნებისა და სენატის უმრავლესობის დაკარგვის შემდეგ პარტია თავის გზის პოვნას ცდილობს.
ეს შეიძლება ბევრად უფრო დიდი აისბერგის მწვერვალიც იყოს: 30 ათასმა ამომრჩეველმა, ვინც აწ უკვე დატოვა რესპუბლიკური პარტია, იმ რამდენიმე შტატშია კონცენტრირებული, რომლებიც ყოველკვირეულად აქვეყნებენ ამომრჩეველთა რეგისტრაციის მონაცემებს და ინფორმაციას პარტიული მიგრაციის შესახებ.
ამომრჩეველთა პარტიული მიგრაცია არ არის უცხო, თუმცა მონაცემები ცხადყოფს, რომ წლის პირველ კვირებში ბევრად მეტმა რესპუბლიკელმა შეიცვალა რეგისტრაცია, ვიდრე დემოკრატმა. მერყევ ამომრჩეველთა საკვანძო შტატებში ბევრი ამომრჩეველი იცვლის პარტიულ რეგისტრაციას და ეს ხშირად ხდება თეთრი სახლისთვის ბრძოლისა და კონგრესის მიერ კონტროლის მოპოვებისკენ სწრაფვის საგანი.
გასაჯაროებული ინფორმაციის თანახმად, პენსილვანიის შტატის თითქმის 10 ათასი ამომრჩეველი ამოეწერა რესპუბლიკური პარტიიდან წლის პირველი 25 დღის განმავლობაში. მათი მესამედი – 3476 პირი – დემოკრატიული პარტიის მხარდამჭერად დარეგისტრირდა; დარჩენილმა ორმა მესამედმა სხვა პარტიის მხარდამჭერად რეგისტრაცია არჩია ან გადაწყვიტა, რომ ამჟამად არცერთ პარტიასთან ყოფილიყო ასოცირებული.
ამის კონტრასტულად, პენსილვანიის შტატის დემოკრატთა დაახლოებით მესამედმა გადაწყვიტა რესპუბლიკურ პარტიაში გაწევრიანება (2093 სარეგისტრაციო მონაცემები ორშაბათის მდგომარეობით), არცერთ და უმნიშვნელო პარტიასთან (1184 სარეგისტრაციო მონაცემები) ასოცირება.
ჩრდილოეთ კაროლინას შტატის თითქმის 6 ათასმა ამომრჩეველმა უარი განაცხადა რესპუბლიკური პარტიის წევრობაზე. არიზონას თითქმის 5 ათასი ამომრჩეველი აღარ არის რეგისტრირებული რესპუბლიკური პარტიის მხარდამჭერად. ბოლო რამდენიმე კვირის განმავლობაში განდგომილ ამომრჩეველთა რაოდენობა კოლორადოს შტატში 4500 ადამიანია, ხოლო მერილენდის შტატში 2300 ყოფილი რესპუბლიკელი ახლა არცერთი ან დემოკრატიული პარტიის მხარდამჭერად არის რეგისტრირებული.
ყველა ამ შტატში, იმ დემოკრატების რაოდენობა, რომლებმაც ოდესმე დატოვეს თავიანთი წინა პარტია, მინიმალურია იმ ყოფილ რესპუბლიკელებთან შედარებით, რომლებიც ახლახანს განუდგნენ თავიანთ პარტიას.
ფლორიდის შტატში რამდენიმე ადგილობრივი საარჩევნო ოფისის ცნობით, კაპიტოლიუმზე თავდასხმის შემდეგ სულ რამდენიმე დღეში დაფიქსირდა პარტიული რეგისტრაციის ცვლილებების მატება. მაიამის შტატის ორ ოლქში განაცხადეს, რომ ჯამში 1000 რესპუბლიკელი დარეგისტრირდა სხვა პარტიული ნიშნით 6 იანვრის შეტევიდან სულ რაღაც ორ დღეში. იმავე პერიოდში მხოლოდ 96 დემოკრატმა შეცვალა პარტიული მიკუთვნება.
ტამპას ყურეში სამი საარჩევნო ოლქის წარმომადგენელმა განაცხადა, რომ 2 ათასზე მეტი რესპუბლიკელი ამომრჩეველი დარეგისტრირდა სხვა პარტიული ნიშნით. იმავე სამ საარჩევნო ოლქში – ჰილსბორო, პასკო და პინელასი – მხოლოდ 306 დემოკრატმა შეცვალა პარტიის წევრობა.
როდესაც ასე ბევრი ამომრჩეველი იცვლის პარტიას კონკრეტული სავადო თარიღის მოახლოებუის გარეშე, საარჩევნო ექსპერტების დიდ ინტერესს იწვევს. ადამიანთა უმრავლესობა იმ პარტიის მხარდამჭერად რჩება, რომელთანაც თავდაპირველად დარეგისტრირდა, ხოლო ვინც პარტიულ მიკუთვნებაში ცვლილებებს ახდენს, ამას ჩვეულებრივ მოახლოებული შუალედური არჩევნების მოტივაციით აკეთებს.
„ჩვეულებრივ, შუალედური არჩევნების გარდა ნებისმიერ სხვა შემთხვევაში ხალხი პარტიული მიკუთვნების ცვლილებას არ ახდენს, რადგან მხოლოდ წინასაარჩევნო მიზნიბით ხდება პარტიულ სიებში მხადამჭერთა გადაადგილებები. ნებისმიერ სხვა დროს დიდი არაფერი ხდება ხოლმე პარტიული ნიშნით რეგისტრაციაში”, – აცხადებს ფლორიდის უნივერსიტეტის ხმის მიცემისა და არჩევნების ექსპერტი მაიკლ მაკდონალდი.
მხოლოდ რამდენიმე შტატი აქვეყნებს ყოველკვირეულად ამომრჩეველთა რეგისტრაციის მონაცემებს. სხვები ყოველთვიურ მონაცემებს ასაჯაროებენ. ბევრი შტატი არ წვრილმანდება დეტალებით და იქ უცნობი რჩება ვინ დატოვა პარტია. როდესაც მეტი შტატი გამოაქვეყნებს პარტიული რეგისტრაციის მონაცემებს, შეიძლება გაცილებით მაღალი აღმოჩნდეს იმ ამომრჩეველთა რეალური რიცხვი, ვინც ბოლო კვირაში რესპუბლიკური პარტია დატოვა და სხვა პარტიის მხარდამჭერად დარეგისტრირდა.
მაკდონალდი ასევე აცხადებს, რომ ვინც პროაქტიულად ახდენს პარტიული მიკუთვნების მონაცემების შეცვლას რეესტრში, სავარაუდოდ კარგად არიან ინფორმირებულნი, თვალს ადევნებენ სიახლეებს და იციან, რომელი პროცედურების გამოყენებით შეუძლიათ პარტიული რეგისტრაციის შეცვლა.
„ის ხალხი, ვინც ამას აკეთებს, ალბათ ძალიან გათვითცნობიერებული ამომრჩეველია. სავარაუდოდ, ისინი ძალიან არიან ჩართულნი ამ პროცესში” თქვა მან და დასძინა „თუ ადამიანი იმდენად გათვითცნობიერებულია, რომ საკუთარი პარტიული მიკუთვნების რეგისტრაცია შეცვალოს, ის საარჩევნო ყუთთან აუცილებლად მივა და სასურველ პარტიას მისცემს ხმას”.
ზოგიერთი მონაცემი იმაზე მიანიშნებს, რომ რესპუბლიკელების პორტირება ხდება გარეუბნების ოლქებში, სადაც რესპუბლიკური პარტიის კანდიდატებს და ყოფილ პრეზიდენტ ტრამპს დიდად გაუჭირდათ 2018 და 2020 წლების არჩევნებში.
პენსილვანიის შტატის ამომრჩეველთა დაახლოებით მესამედი, ვინც რესპუბლიკურ პარტიასთან კავშირი გაწყვიტა, ამომრჩევლად არიან დარეგისტრირებული მონტგომერის, ბაკის, ჩესტერისა და დელავერის საარჩევნო ოლქებში (ყველაზე მჭიდროდ დასახლებული ოლქები). აქ ბოლო წლებში დემოკრატიული პარტიისადმი სიმპათიები იკვეთება. პრეზიდენტმა ბაიდენმა ხმების 58 პროცენტი სწორედ ჩესტერის ოლქში მიიღო, რაც საუკეთესო მაჩვენებელია დემოკრატიული პარტიის ადგილობრივ ისტორიაში.
ამის საპირისპიროდ, რესპუბლიკელებმა დემოკრატიული პარტიის მხარდამჭერებიდან უფრო მეტი ხმები მიიღეს ბერკსის, ლუცერნისა და კამბრიის ოლქებში, ყოფილ ურბანულ დასახლებებში და სოფლებში სადაც ტრამპს უკეთესი შედეგი ჰქონდა, ვიდრე რესპუბლიკური პარტიის წინა კანდიდატებს.
ტრამპმა ხმების 68 პროცენტი დააგროვა კამბრიას ოლქში და მის ადმინისტრაციულ ცენტრში – ჯონსტაუნში, რაც დინასტიური დემოკრატების ოლქია და საიდანაც კონგრესში წარმოდგენილია ჯონ მურთა (დემოკრატი). ეს კანდიდატი რესპუბლიკელების წინა კანდიდატებს ჯობდა, რომ არაფერი ვთქვათ ტრამპის მიერ 2016 წელს მოპოვებულ საუკეთესო მაჩვენებელზე – 66.5% – რითაც გამარჯვება გაიმყარა.
მაკდონალდი სიფრთხილით ამბობს, რომ საერთო ჯამში პარტიული პორტირება შედარებით მცირე ზომისაა, რადგან პენსილვანიის შტატში განდგომილი 10 000 ყოფილი რესპუბლიკელი მცირე ფრაგმენტია პარტიის თითქმის 3.5 მილიონიანი ამომრჩეველთა რიცხვიდან. მაგრამ ნიშანდობლივი ის არის, რომ რაც არჩევნების დღემდე ხდებოდა იმის საპირისპირო ტენდენციაზე მეტყველებს ეს მონაცემები.
„არჩევნებამდე ტენდენცია საპირისპირო მიმართულებით მიდიოდა, უფრო მეტი რესპუბლიკელი რეგისტრირდებოდა” – აცხადებს მაკდონალდი და იქვე დასძენს „ეს განა უბრალოდ პატარა ნიუანსია, ის წინა წლებისგან განსხვავებულ ტენდენციაზე მიგვანიშნებს”.
