“ის არის თავისუფალი სიტყვისა და დემოკრატიისთვის მებრძოლი რუსეთში” – ლადო მესხიშვილის თეატრის სამხატვრო ხელმძღვანელი კოტე აბაშიძე თავის ფეისბუკ გვერდზე განცხადებას ავრცელებს და იმ საპროტესტო ტალღას ეხმაურება, რომელიც მესხიშვილის თეატრში რუსული სპექტაკლის ჩვენებას მოჰყვა.
“მეგა ტვ” პოსტს უცვლელეად გთავაზობთ:
“ქუთაისის ლადო მესხიშვილის თეატრის სამხატვრო ხელმძღვანელი კოტე აბაშიძე: “მარკ როზოვსკი არის რუსეთის კულტურის ის წარმომადგენელი, ვინც პირველმა დაუჭირა საქართველოს მხარი 2008 წლის ომის შემდეგ. დადგა ნოდარ დუმბაძის “მე ბებია ილიკო და ილარიონი” მოსკოვში. ის ერთ-ერთი პირველია, ვინც ამით ხმამაღლა გამოთქვა თავისი პროტესტი.
ის არის ადამიანი, ვინც ყირიმის ანექსია დაგმო და საპროტესტო წერილს მოაწერა ხელი. ის არის თავისუფალი სიტყვისა და დემოკრატიისთვის მებრძოლი რუსეთში.
მისი თეატრი დამეგობრებულია ჩვენს თეატრთან.” – ნათქვამია განცხადებაში.