2 წლის ანიტა ფაცაციას მდგომარეობა შედარებით უკეთესია და ოჯახი ახალი პასუხის მოლოდინშია.
“გუშინდელი რთული დღის შემდეგ ანიტელების ჯგუფში მღელვარებაა. შეძლებისდაგვარად ვცდილობთ გიპასუხოთ ყველა შეკითხვაზე და საქმის კურსში გამყოფოთ.
მდომარეობა ასეთია:
ანიტას გაუზარდეს შარდმდენი პრეპარატების დოზა, რის შედეგადაც თირკმელი ცოტა განიტვირთა და ბავშვის მდგომარეობა შედარებით დასტაბილურდა.
დღეს მისი სიცილიც კი მოვისმინეთ ხმოვან შეტყობინებებში.
ანიტას ჩააკითხეს ბებიებმა, რომლებსაც აეროპორტში საქართველოს კონსული და ავსტრიაში ქართული სათვისტომოს დამაარსებელი დახვდათ. მათ ახლა პირადი მანქანით მიაბრძანებენ ქ. გრადსის საავადმყოფოში.
რაც შეეხება ინდოეთთან მოლაპარაკებებს, მოუთმენლად ველოდებით სამუშაო კვირის დაწყებას, რომ ვიზების გამზადება და პასპორტების დაბრუნება გახდეს შესაძლებელი.
ასევე გრძელდება ავსტრიელი და ინდოელი ექიმების მსჯელიბა ანიტას ტრანსპორტირების შესახებ, როგორც გაირკვა სპეციალიზებული თვითმფრინავით ინდოეთამდე ფრენას 19 საათი დასჭირდება, რაც ავსტირიელი ექიმების თქმით, უდიდეს რისკს წარმოადგენს ანიტას სიცოცხლისთვის. ჯერ-ჯერობით გადაწყვეტილების მიღება ვერ ხერხდება.
აქვე დავამატებ,- რადგანაც ბოლო ორი დღის განმავლობაში სიკეთის ჯგუფს შემოუერთდა 4000-მდე წევრი,
გთხოვთ ყველა გაეცნოთ ჯგუფის წესებს, ასევე კარგი იქნება თუ გაეცნობით აპინულ პოსტში მოწოდებულ ინფორმაციას ??
უფრო და უფრო მეტნი ვართ და ყველა ერთად ბოლომდე ვიბრძოლებთ
#ანიტასსთვის” – წერს მარიკა ხუციშვილი ფეისბუკზე.
შეგახსენებთ, რომ გუშინ 2 წლის გოგონას ოჯახი ავსტრიიდან ბელარუსში გასამგზავრებლად ემზადებოდა, სადაც ანიტა ფაცაციას გულის ტრანსპლანტაცია უნდა ჩატარებოდა, თუმცა დღეს გავრცელდა ინფორმაცია, რომ ამ ოპერაციაზე პასუხისმგებლობა, ავსტრიის და იტალიის მსგავსად, ვერც ბელარუსმა აიღო.
