საქართველოში ქორწინებებისათვის ყველაზე პოპულარული სეზონი შემოდგომაა, – ამის შესახებ საქართველოს სტატისტიკის ეროვნული სამსახურის 2018 ბუნებრივი მოძრაობის სტატისტიკურ ანგარიშშია აღნიშნული.
„საქსტატის“ ანგარიშის თანახმად, რეგისტრირებული ქორწინებების 32% შემოდგომაზე მოდის. 2018 წელს რეგისტრირებული ქორწინებების რაოდენობამ 23 202 შეადგინა, რაც 2017 წელთან (23 684) შედარებით 782-ითაა შემცირებული. ხოლო რეგისტრირებულ განქორწინებათა რაოდენობამ საქართველოში – 10 288 შეადგინა, რაც 2017 წელთან შედარებით 66-ითაა გაზრდილი.
2018 წელს ქორწინების და განქორწინებების ყველაზე მეტი შემთხვევა დაფიქსირდა ქ. თბილისში 6 718 ქორწინება და 1 668 განქორწინება. კერძოდ 2018 წელს თბილისში ქორწინება 266-ით შემცირდა, განქორწინება კი 81-ით გაიზარდა.
რაც შეეხება იმერეთს 2018 წელს, 2017 წელთან შედარებით შემცირდა, როგორც ქორწინების ისე განქორწინების რიცხვი.
კერძოდ 2018 წელს იმერეთში ქორწინების რიცხვი (3 661) 2017 წელთან შედარებით (3 850) 189-ით იკლო, რაც შეეხება განქორწინების რიცხვს, იგი (1 668) 2017 წელთან შედარებით (1 739) 71-ით შემცირდა.
უფრო კონკრეტულად 2018 წელს იმერეთში ყველაზე მეტი 1 295 ქორწინება ქუთაისში დაფიქსირდა, თუმცა წინა წელთან შედარებით ეს მაჩვენებლი 63-ითაა შემცირებული. ყველა ნაკლები 109 ქორწინება აღიწერა ხარაგაული მუნიციპალიტეტში, ეს მაჩვენებელი წინა წელთან შედარებით 7 ერთეულითაა გაზრდილი.
იმერეთის რეგიონში ყველაზე მეტი 750 განქორწინება ქუთაისში დაფიქსირდა, რაც გასული წლის მაჩვენებლთან შედარებით 49-ითაა შემცირებული. რაც შეეხება ყველა ნაკლებ განქორწინებას იგი ხარაგულის მუნიციპალიტეტში დაფიქსირდა და 29 ერთეული შეადგინა.
იმერეთში ქუთაისის შემდეგ ქორწინების მიხედვით ტოპ 3 მუნიციპალიტეტია ზესტაფონი (337), წყალტუბო (327) და სამტრედია (302). განქორწინებების მიხედვით ქუთაისშის შემდეგ ტოპ 3 მუნიციპალიტეტი კი ასე გამოიყურება წყალტუბო (149), სამტრედია (135) და ზესტსფონი (133).
ამასთან, 2018 წელს საქართველოში პირველი ქორწინების საშუალო ასაკმა ქალებისთვის 27.7, ხოლო მამაკაცებისთვის 30.4 წელი შეადგინა.
