ილონ მასკის კომპანიამ, Neuralink-მა მაიმუნს ტვინში ჩიპი ჩაუდგა და ცხოველი უკვე ვიდეოთამაშებს თამაშობს. ინფორმაციას ამის შესახებ businessinsider-ი ავრცელებს.
„ჩვენ გვყავს მაიმუნი, რომელსაც თავის ქალაში უსადენო იმპალნტი და პატარა კაბელები აქვს ჩაყენებული. აქედან გამომდინარე მას შეუძლია ვიდეოთამაშები საკუთარი გონებით ითამაშოს. ახლა ვცდილობთ იმის გარკვევას, რამდენად შეძლებენ მაიმუნები იმას, რომ ერთმანეთთან პონგი ითამაშონ. თუ ეს ასე მოხდა, ძალიან მაგარი იქნება“,- განაცხადა ილონ მასკმა.
როგორც მასკი აცხადებს, მაიმუნს უსადენო ჩიპი აქვს ჩაყენებული, რაც ელექტრონული ინტერფეისის გონებით კონტროლის საშუალებას იძლევა.
„მაიმუნი თავს არაკომფორტულად არ გრძნობს. არც უცნაურად გამოიყურება. პირიქით, საკმაოდ რთულია იმის შემჩნევა,რომ მას ნერვული იმპლანტი აქვს ჩაყენებული
ცნობისთვის, Neuralink-ი ცხოველებში კომპიუტერთან ნერვულ კავშირს უკვე წლებია ტესტავს.
კომპანიის განცხადებით, ტვინთან დამაკავშირებელი ტექნოლოგიების მიზანი ტვინისა და ხერხემლის დაზიანების თანმხლები პრობლემების აღმოფხვრაა.
