2023 წლის ივნისში ერთი სტანდარტული იმერული ხაჭაპურის მომზადების საშუალო ღირებულება წლიურად 1.7%-ით გაიზარდა და 5.62 ლარი იყო.
ISET-ის ხაჭაპურის ინდექსის მიხედვით, ივნისში, წინა წლის ანალოგიურ პერიოდთან შედარებით, საქართველოში ფასები გაიზარდა შემდეგ ინგრედიენტებზე:
საფუარი – ფასის წლიური ზრდა 13%;რძე – 11.9%;კარაქი – 10.7%;ყველი – 2.1%.აღსანიშნავია, რომ უმნიშვნელოდ შემცირდა კვერცხის ფასი (-1.2%), ხოლო შედარებით მეტი კლება დაფიქსირდა ფქვილის ფასზე (-7.9%).
რაც შეეხება თვის ჭრილში მონაცემებს, ISET-ის თანახმად, უკვე ზედიზედ მეოთხე თვეა, რაც ინდექსი კლების ტენდენციას ინარჩუნებს და ივნისში, მაისთან შედარებით, ის 2.4%-ით შემცირდა.
„ამ ცვლილების ძირითადი მიზეზი ყველის ფასების შემცირება იყო (-3.7%), რომელიც ინდექსში ყველაზე მაღალი წონით შედის. ინდექსის ყველა სხვა ინგრედიენტის ფასი, გარდა საფუარისა, რომლის ფასიც წინა თვესთან შედარებით 2.8%-ით გაიზარდა, ამ თვეში შემცირდა: ფქვილი (-1.8%), კვერცხი (-1.2%), რძე (-0.9%), კარაქი (-0.5%)“, – აცხადებენ ISET-ში.
