ქუთაისში აქციები კვლავ ხმაურის ფონზე მიმდინარეობდა. 6 საათზე მესხიშვილის თეატრის წინ დაწყებულმა საპროტესტო ტალღამ შეძახილებით “სირხვილია” მერიის წინ გადაინაცვლა. აქციის მონაწილეებს ხელში თეთრი ფურცლები ეჭირათ იმის ნიშნად, რომ მათ სუფთა წარსულის აქვთ.
მერიის წინ კი მათ მჯდომარე აქცია გამართეს და თბილისში, აქციაზე დაპატიმრებულ მოქალაქეებს სოლიდარობა გამოუცხადეს.
აკაკი წერეთლის უნივერსიტეტის სტუდენტების მიერ ორგანიზებულ აქციას დღეს პარტა თავისუფალი საქართველოს იმერეთის ბიუროს ხელმძღვანელი გოგი წულაია შეუერთდა.
როგორ მან განაცხადა მათი თაობა დამნაშავეა რომ შვილების თაობას მიტინგებზე უწევთ დგომა: “მე როგორც პოლიტიკოსი ჩემს თავს ვადანაშაულებ, რომ ჩემი შვილების თაობა მიტინგებზე ამ მოთხოვნით გამოდის “ამარჩევინე” – აცხადებს გოგი წულაია.
აქციაზე ინციდენტს კვლავ ჰქონდა ადგილი. მოქალაქეებს მერიასთან “ქართული ოცნების” მხარდამჭერები დახვდნენ, რასაც ხმაური და შელაპარაკება მოჰყვა.
