ფიზიკური პირის ქონების გადასახადის წლიური დეკლარაციის წარდგენის სავადო თარიღი ახლოვდება.
შემოსავლების სამსახურის განმარტებით, ზოგადად ქონების გადასახადის გადახდის ბოლო ვადა არის კალენდარული წლის 15 ნოემბერი, ხოლო დეკლარაციის შევსება/წარდგენის ბოლო ვადად 1-ლი ნოემბერია განსაზღვრული, თუმცა, იქიდან გამომდინარე, რომ წელს ორივე ეს თარიღი ემთხვევა შაბათს, ვადამ გადაიწია მომდევნო სამუშაო დღეზე, შესაბამისად, ფიზიკური პირები 3 ნოემბრის ჩათვლით შეძლებენ ქონების დეკლარაციის წარდგენას, ხოლო უშუალოდ გადასახადის გადახდას 17 ნოემბრის ჩათვლით მოახერხებენ.
აღსანიშნავია, რომ ბოლო დღეების განმავლობაში შემოსავლების სამსახურისგან აღნიშნულთან დაკავშირებით, გამაფრთხილებელი შეტყობინება არაერთმა მოქალაქემ მიიღო. SMS-შეტყობინებაში საუბარია, რომ 3 ნოემბრამდე ქონების გადასახადის დეკლარაციის წარდგენის ვადა 3 ნოემბერს იწურება. აღნიშნული შეტყობინების მიღების შემდეგ ბევრ მოქალაქეს გაუჩნდა კითხვა – უწევთ თუ არა მათ დეკლარაციის შევსება და გადასახადის გადახდა თუ შეტყობინების მიღება უბრალოდ ტექნიკური საკითხი იყო.
შეტყობინების მიღების შემდეგ უამრავი კითხვა გაჩნდა, პალიტრა ნიუსის გადაცემა საქმეში, ადვოკატი ეკა ლომიძე იმ რეკომენდაციებს გასცემს, რაც დეკლრაციის შევსებისას დაგეხმარებათ.
