ეს არის მთავარი კითხვა, რომელიც საზოგადოებაში საღორიის ტყის მასივების გაჩეხვის გამო გაჩნდა.
ტექნოლოგიურ უნივერსიტეტამდე, საავტომობილო გზის გაყვანას, ქუთაისში, საღორიის ტყეში, ასობით ჯანსაღი ხე ეწირება.
ეს ხდება მაშინ, როცა გარემოსათვის მიყენებული ზიანი, სხვა ქიმიური თუ ბიოლოგიური მოვლენებით განუზომელია და ვერ ხდება გარემოს ჯეროვანი დაცვა და მასზე უარყოფითი ზემოქმედების შემცირება.
ქვეყანაში ტყის მასივების გეგმიური სანიტარული ჭრები თითქმის არ მიმდინარეობს, სანიტარული ჭრები არ ხორციელდება ან მოჭრილი ხეების დროული გატანა არ ხდება მუხნარის ტყეში უნიკალური ტყის კორომიდან. გამხმარი და ხმობაშეპარული ხეებიდან სოკოვანი და მერქნის სხვა დაავადებები ახალგაზრდა ხეებზე გადადის. ქუთაისში, ქარი და ჭარბტებტენიანობა კვლავაც ეკოლოგიურ გამოწვევად რჩება და მასთან გამკლავების უალტერნატივო გზა მრავალწლიანი მცენარეებია. ამ ფონზე, საქმეში ჩახედული ადამიანები საზოგადოების ყურადღების გადატანას ამ, სასიცოცხლოდ მნიშვნელოვანი საკითხისაკენ ცდილობენ, რადგან გავრცელებული ინფორმაციით, ერთი, რომ მშენებარე უნივერსიტეტამდე გზა უკვე არსებობს და მეორე, კიდევ სამი ალტერნატიული გზის მშენებლობა იგეგმება.
ილუზია, რომ ტყის გაჩეხვას შეწყვეტენ არ არსებობს. ზიანი კი, რომელიც ზრდასრული და ჯანსაღი ხეების გაჩეხვით გარემოს ადგება განუზომელია და მას სხვა ვერანაირი ეკონომიკური სარგებერლი ვერ შეცვლის, რადგან უჟანგბადობით სიკვდილიანობა და დაავადებული ადამიანების რიცხვი დღითი დღე მატულობს.
ადგილზე მეგა ტვ-ს გადამღები ჯგუფი მუშაობს და ამ თემაზე მომზადებულ სიუჟეტს ,,მთავარის” მთავარ საინფორმაციო გამოშვებაში, ცხრის ნახევარზე ნახავთ.
