ფშაველი-ომალოს დამაკავშირებელი გზის 36-ე კილომეტრზე, ზვავში მოყოლილი მოქალაქე ამ დრომდე ნაპოვნი არ არის.
შსს-ს საგანგებო სიტუაციების მართვის სამსახურში განაცხადეს, რომ სამაშველო ბრიგადები სამძებრო სამუშაოებს ხვალ დილით განაახლებენ, ამ ღამეს კი სამუშაოები ძლიერი ნალექის გამო შეჩერდება.
თუშეთის გზის აღნიშნულ მონაკვეთზე ზვავის ჩამოწოლის შესახებ ინფორმაცია შინაგან საქმეთა სამინისტროს საზოგადოებრივი უსაფრთხოების მართვის ცენტრ “112”-ში გუშინ შევიდა. ზარის ინიციატორის განცხადებით, შემთხვევის შედეგად დაშავებული იყო ორი მოქალაქე, მათ შორის ერთის ამოყვანა მაშველებმა მოახერხეს. იგი საავადმყოფოშია გადაყვანილი და შესაბამისი სამედიცინო დახმარება უტარდება.
