საზოგადოება ,,ბაღისკიდე”-ს თავმჯდომარე ბექა ქებულაძე, მისივე ინიციატივით, ამავე საზოგადოების აქტიურ წევრებთან ერთად ვანის რაიონ, სოფელ ქვედა მუქედში, სტუმრობდა საქართველოს უხუცეს ქალბატონს, 116 წლის თამარ ჩუბინიძე-სოფრომაძეს.
“ქალბატონ თამარს საჩუქრად გადავეცით ,,ბაღისკიდეს კალათა”, ვისაუბრეთ მის ცხოვრებასა და განვლილ გზაზე.
სამაგალითოა ის ენერგიულობა, დამოკიდებულება და სიყვარული, რომელსაც აფრქვევს ქალბატონი თამარი.
მადლობას ვუხდით მის ოჯახს, განსაკუთრებით შვილს, ქალბატონ დალის, გულთბილი მასპინძლობისათვის!”-ვკითხულობთ გავრცელებულ ინფორმაციაში.
