“ქვედა სიმონეთის N1 საჯარო სკოლის პედაგოგიური კოლექტივის ყველა წევრი და ტექნიკური პერსონალი ღრმა მწუხარებას გამოთქვამს ქვედა სიმონეთში მომხდარ ტრაგიკული ამბის, შემზარავი ავტოავარიის შედეგად გარდაცვლილი ორი პიროვნების გამო და ღრმა მწუხარებას გამოთქვამს მათ შორის დაღუპულ, ქვედა სიმონეთის N2 საჯარო სკოლის სასკოლო ავტობუსის მძღოლ, ჩვენი სკოლის კურსდამთავრებულ გოჩა კლდიაშვილის მამის – გაგი კლდიაშვილის გარდაცვალების გამო.
გვიმძიმს სიტყვებით გამოვხატოთ მწუხარება და წარსულში ვისაუბროთ გაგის შესახებ. ის ყველას მეგობარი და ღირსეული პიროვნება იყო.
ვუსამძიმრებთ ოჯახს, ქვედა სიმონეთის N2 საჯარო სკოლის სასკოლო საზოგადოებას და ახლობლებს.” – წერს სოციალურ ქსელში ქვედა სიმონეთის N1 საჯარო სკოლა.
დღეს ავარია თერჯოლის მუნიციპალიტეტის სოფელ სიმონეთთან მსხვერპლით დასრულდა. არსებული ინფორმაციით, ერთმანეთს ორი ავტომობილი შეეჯახა, რის შედეგადაც ორი ადამიანი გარდაიცვალა.
ადგილზე მობილიზებული იყო სამაშველო სამსახური და პოლიცია იყო.
როგორც შსს-ში აცხადებენ, მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
