ვენეციის არხებში წყალი იმენად სუფთაა, რომ პატარა თევზები ჩანს და მასში გედები დაცურავენ. ჩვეულებრივ, წყლის ტრანსპორტის გამო წყალი გაუმჭვირვალე და ბინძურია.
ფეისბუქმომხმარებელი მარკო კაპოვილა ავრცელებს ფოტოებს, სადაც ჩანს, როგორი სუფთაა წყალი ვენეციის არხებში.
ამას გარდა, იტალიის ერთ-ერთ ყველაზე დიდ პორტში, კალიარიში დელფინები დააფიქსირეს. პორტის ტვირთბრუნვა წელიწადში 50 მლნ ტონაა.
საკარანტინო რეჟიმის გამოცხადების შემდეგ იტალიაში ჰაერიც გასუფთავდა – ქუჩაში აღარ მოძრაობს ტრანსპორტი.
“ერთადერთი იმედისმომცემი ის არის, რომ ბუნება გაჯანსაღებას იწყებს. ვენეციის არხებში წყალი დაიწმინდა, სანაპიროებთან დელფინები დაცურავენ. ქუჩებში ნაკლები მანქანაა, მეტი ფრინველი დაფრინავს. გამონაბოლქვი შემცირდა. ეს ძალიან დიდი გაკვეთილია ჩვენთვის. შეგვიძლია, პლანეტა გადავარჩინოთ, თუ ახლავე ვიმოქმედებთ,“ – წერს “ტვიტერის“ ერთ-ერთი მომხმარებელი.
სოციალურ ქსელში, ასევე, ვრცელდება ფოტოები, სადაც ჩანს, რომ იტალიის ერთ-ერთი ქალაქის ქუჩებში გარეული ღორები სეირნობენ.
rustavi2.ge
