ვენერა ობოლაშვილი საკუთარ შვილს ძალადობაში ადანაშაულებს. ქალი, რომელსაც საზოგადოება მძიმე კრიმინალური წარსულით იცნობს, აცხადებს რომ ახლა თავად გახდა ძალადობის მსხვერპლი.
დედა-შვილის კონფლიქტში პოლიციაც ჩაერთო და ობოლაშვილის ვაჟს შემაკავებელი ორდერიც გამოუწერა.
სერიული მკვლელის სახელით ცნობილი ქალი ამბობს, რომ შვილთან მიმართებაში ლოიალურია. დედასთან ჩხუბის ეპიზოდებს არ უარყოფს, მაგრამ ამაზე ღიად საუბარი ობოლაშვილის შვილმა არ ისურვა. დედა-შვილს კონფლიქტი სახლის გამო აქვთ.
ვენერა ობოლაშვილმა 13-წლიანი პატიმრობის შემდეგ რესოციალიზაციის პროცესი უკვე გაიარა, ისევ ადაპტირდა ძველ გარემოსთან და ახლა სოფლის მეურნეობით არის დაკავებული.
დღეს ამბობს, რომ რეალურად მას არავინ მოუკლავს.
მიუხედავად დღევანდელი პოზიციისა, მან სასჯელი სრულად მოიხადა და საპატიმრო 3 წლის წინ დატოვა. გათავისუფლებულმა პირველი ექსკლუზიური ინტერვიუ მაშინაც “კურიერი P.S.”-ს მისცა.
ლამაზად ჩაცმა უყვარს, სუნამოც. ამბობს, რომ მან სასჯელაღსრულების დაწესებულებაში სალონური მომსახურებაც შეისწავლა.
კურიერი • P.S-მა ვენერა ობოლაშვილი და მისი შვილი ჩაწერა:
“წამომითაქებს ხოლმე. თუ არ გავიქეცი, შეიძლება ცუდი ამბები მოხდეს. არ მინდა ჯერ სიკვდილი… ძალაობის მსხვერპლი ვარ, აბა რა ვარ,“ – აცხადებს ვენერა ობოლაშვილი.
ვენერა ობოლაშვილი საკუთარ შვილს ძალადობაში ადანაშაულებს. ქალი, რომელსაც საზოგადოება მძიმე კრიმინალური წარსულით იცნობს, აცხადებს რომ ახლა თავად გახდა ძალადობის მსხვერპლი.
მისი თქმით, დახმარებისთვის პოლიციასაც მიმართა, თუმცა უშედეგეოდ.
“ფეხიც ჩალურჯებული მაქვს. ამომარტყა ფეხი… შემაკავებელი გამოწერეს მაგრამ რად გინდა, მეორე დღეს გამლახა. მოვიდნენ, ინსპექტორიც იყო, ყველანი, მაგრამ მეორე დღეს ისევ ისე, წამომითაქა.
შარშანაც იყო დაკავებული 2 თვით. შემდეგ მკითხეს, ქალბატონო ვენერა გავასამართლოთ თუ ვაპატიოთო – აპატიეთ მეთქი. მეგონა ჭკუაზე მოვიდოდა, მაგრამ უარესებს აკეთებს. სხვა რომ იყოს არაფროთ ვაპატიებდი, მაგრამ ჩემი შვილია. შვილს რა უნდა ვუქნა,“ – აცხადებს მკვლელობისთვის გასამართლებული ქალი.
დედასთან ჩხუბის ეპიზოდებს არ უარყოფს მაგრამ ამაზე ღიად არ საუბრობს ვენერა ობოლაშვილის შვილი.
“სცემთ ხოლმე?“ – ჰკითხა მას ჟურნალისტმა, რაზეც მამაკაცმა მიუგო, რომ “ხანდახან ყველა ჩხუბობს.“
