ბათუმში კაცმა ცოლი ეჭვიანობის გამო დამამძიმებელ გარემოებაში მოკლა. ბრალდებულმა ზვიად ბერიძემ დანაშაული გამომძიებლებთან აღიარა, სასამართლოზე კი დუმილი არ დაურღვევია და არც თავის მართლება უცდია. მოსამართლემ თქვა, რომ ეს იყო გენდერული ნიშნით ჩადენილი დანაშაული და კაცი პატიმრობაში გაუშვა. ბერიძე წარსულში რამდენჯერმეა ნასამართლევი. დღემდე ის პირობით სასჯელს ნარკოდანაშაულისთვის იხდიდა
ქმარმა ცოლი ბათუმში ნაქირავებ ბინაში მოკლა. ტრაგედიას წინ უძღოდა კონფლიქტი. ჩხუბის შემდეგ 44 წლის კაცმა ქალს მრავლობითი სასიკვდილო ჭრილობები ცივი იარაღით მიაყენა, მომაკვდავი ცოლი ბინაში დატოვა და ადგილიდან გაიქცა. სახლში შესულ მეზობლებს ქალი სისხლის გუბეში დახვდათ. მოძალადე ქმარი პოლიციამ ცხელ კვალზე დააკავა
„ეს რა ცუდი რამ გავიგეთ, შოკში ვართ ქედელები. ვაი, ირმა, ჩვენო ლამაზო, საყვარელო, თანავუგრძნობ შენს შვილებს, შენს დედას და ძმას, ყველა ახლობელს თანავუგრძნობ. მტერსაც არ ვუსურვებ ამნაირ სიმწარეს… ჩვენს თვალწინ გაიზარდეთ, ეს რატომ უნდა მომხდარიყო, რატომ, გული მომიკვდა, ირმა, არ მჯერა… უფალმა გაანათლოს შენი სული, ჩვენო ირმა“
„თბილო, ლამაზო, კაშკაშა გოგო… როგორ არ მინდა დავიჯერო შენზე, რამხელა სიხარულს დაატარებდი გულით და თურმე, რამხელა დარდსაც… მენანები არ მემეტები“ – წერენ ახლობლები სოციალურ ქსელში.
