ევროპის წამლის სააგენტომ (EMA) რიგგარეშე სხდომაზე ევროკავშირის ტერიტორიაზე გამოყენებისთვის კორონავირუსის საწინააღმდეგო კიდევ ერთი, რიგით მე-5 ვაქცინა დაამტკიცა.
“პრეპარატის ეფექტურობა დაახლოებით 90%-ია, ყოველ შემთხვევაში “ალფა” და “ბეტა” შტამების მიმართ, რომლებიც კვლევის დროს ყველაზე გავრცელებული იყო”, – განაცხადეს მარეგულირებელში.
ახლა მარეგულირებლის გადაწყვეტილებები ევროკომისიამ უნდა დაამტკიცოს, რის შემდეგაც ვაქცინის გამოყენებას ევროკავშირის ქვეყნები შეძლებენ. ჯერჯერობით, ევროკავშირში დამტკიცებულია COVID-19-ის საწინააღმდეგო ოთხი ვაქცინა – Pfizer/BioNtech, Moderna, AstraZeneca და Johnson & Johnson.
კიდევ ოთხი ვაქცინა ეტაპობრივი განხილვის პროცედურებს გადის. მათ შორისაა რუსული Sputnik V, ჩინური Sinovac, ფრანგული Sanofi Pasteur და Valneva. გერმანულმა კომპანია CureVac-მა მანამდე EMA-ს ექსპერტიზიდან გაიწვია.
ცნობისთვის, 20 დეკემბერს ჯანდაცვის მსოფლიო ორგანიზაციამ გადაუდებელი გამოყენებისთვის ინდოეთის სერუმის ინსტიტუტის მიერ შემუშავებული კორონავირუსის საწინააღმდეგო Novavax-ის ვაქცინა დაამტკიცა.
