საზოგადოებრივი მოძრაობა “ერის” ლიდერი ლევან ვასაძე ჯანმრთელობის მდგომარეობიდან გამომდინარე “პრაიდის კვირეულის” განმავლობაში საქართველოში არ იქნება. ამის შესახებ მან ვიდეომიმართვაში ისაუბრა.
ლევან ვასაძე სამედიცინო გამოკვლევებსა და მკურნალობას მოსკოვში გააგრძელებს.
“დამთავრდა თურქეთში სამედიცინო კვლევები. სამწუხაროდ დაისვა სავარაუდო დიაგნოზი – საკმაოდ იშვიათი და რთული დაავადებისა გულზე. თუ ეს ასეა, ეს საჭიროებს დაუყოვნებლივ მკურნალობასა და შესაძლო ოპერაციას…
იძულებული ვარ, სტამბოლიდან გადავფრინდე მოსკოვში, რაც, სამწუხაროდ, ნიშნავს, რომ ე.წ. პრაიდის კვირეულის დროს, 1-5 ივლისს თბილისში არ ვიქნები, რასაც ძალიან ვნანობ და ძალიან მწყინს. ძალიან გთხოვთ, ჩემზე არ ინერვიულოთ და არ იდარდოთ”, – თქვა ლევან ვასაძემ.
