რუსეთის FSB-მ ციმბრიში მასშტაბური სპეცოპერაცია ჩაატარა, რა დროსაც დააპატიმრეს რელიგიური კულტის ლიდერი, სერგეი ტროპი, რომელიც საკუთარ თავს იესო ქრისტეს უწოდებს.
ინფორმაციას The Guardian ავრცელებს.
მასშტაბურ სპეცოპერაციაში ჩართული იყო ვერტფრენები და სპეცდანიშნულების ძალები. სპეცოპოერაციის დროს ასევე დააპატიმრეს ტროპის ორი თანაშემწე.
სერგეი ტროპს, რომელსაც ვისარიონს უწოდებენ, ციმბირში ათასობით მიმდევარი ჰყავს. მის რელიგიურ კულტში მკაცრად არის გაწერილი წესები – მუდიმვი მარხვა და ასკეტური სამოსი. კულტი არ აღიარებს ფულს და ამ გზით ვაჭრობას. მიმდევრებისთვის ახალი წელთაღრიცხვა 1961 წლის 14 იანვრიდან, სულიერი ლიდერის დაბადების დღიდან იწყება.
სერგეი ტროპი წარსულში საგზაო ოფიცერი იყო, თუმცა 1991 წელს დაარსა რელიგიური ორგანიზაცია, ხალხს აუწყა, რომ „გამოიღვიძა“ და თავი იესო ქრისტედ გამოაცხადა.
FSB-მ ასევე დააკავეს ვადიმ რედკინი, საბჭოთა პერიოდის ბოიბენდის ყოფილი დრამერი, რომელიც ცნობილია, როგორც ვისარიონის მარჯვენა ხელი, და კიდევ ერთი თანაშემწე, ვლადიმერ ვედერნიკოვი.
