დასავლეთ საქართველოს სამედიცინო ცენტრიდან ცნობილი კარდიოქირურგი ნიკოლოზ ვაშაყმაძე სამსახურიდან გაათავისუფლეს.
მოქალაქეები აღნიშნულს მის პოლიტიკურ შეხედულებებს და აქტიურობას უკავშირებენ :
“ნიკოს დონის პროფესიონალს რომ სამსახურიდან გაუშვებ ხარ მოღალატე ქვეყნის!
და ამათ უნდათ მშვიდობა? ამდენი უდანაშაულო ადამიანი რომ ციხეშია და თანამემამულეებს “უსამშობლოებს” ეძახიან, დასცინიან, ასაჩიხრებენ და სიტყვის თავისუფლებისთვის დევნიან ესეც დემოკრატიაა? გრცხვენოდეთ ვინც ჩუმად ხართ! თქვენს კარზეც რომ მოაკაკუნებს უსამართლობა უკვე გვიანი იქნება და თანადგომის სურვილიც არავის ექნება!”
“გულწრფელად ვწუხვარ ექიმ ნიკა ვაშაყმაძის სამსახურიდან გათავისუფლების გამო – ეს გადაწყვეტილება მძიმე მისაღებია არა მხოლოდ ერთ ექიმისთვის, არამედ მთლიანად ჩვენს პროფესიული საზოგადოებისთვისაც.
ნიკა ვაშაყმაძე ერთ-ერთი იმ იშვიათი კარდიოქირურგთაგანია, ვისაც არ აშინებს სირთულე, პასუხისმგებლობა და სიმართლის თქმა მაშინაც, როცა ეს კომფორტული არ არის. მისი პროფესიონალიზმი, ადამიანობა და პატიოსნება მუდამ იყო ჩვენი სამედიცინო საზოგადოების ღირსების სიმბოლო.
დღეს, როცა ასეთ სპეციალისტებს სჭირდება არა გარიყვა, არამედ მხარდაჭერა, ვაცხადებ სოლიდარობას და პატივისცემას დოქტორ ნიკა ვაშაყმაძის მიმართ — როგორც ექიმის, დიდი პატრიოტის და ღირსების მქონე ადამიანისადმი!”
“ეს ნამდვილად სამწუხარო ამბავია, რადგან ბატონი ნიკოლოზი ერთ-ერთი იმ იშვიათი პროფესიონალია, ვინც არა მხოლოდ თავისი უნარითა და ცოდნით, არამედ პრინციპულობით და სიმართლის სიყვარულითაც გამოირჩევა. ის ყოველთვის აქტიური იყო საზოგადოებრივ და პოლიტიკურ საკითხებში, ღიად ამბობდა იმას, რასაც ფიქრობდა და არასდროს ერიდებოდა უსამართლობის წინააღმდეგ ხმამაღლა საუბარს”,- წერს ექიმი უჩა ბობოხიძე.
