გრიგოლ ვაშაძე – “ერთიანი ნაციონალური მოძრაობის” მაჟორიტარობის კანდიდატი ქუთაისში
დაბადების თარიღი: 1958 წლის 19 ივლისს, თბილისში
განათლება:
1981 წელს მან წარმატებით დაამთავრა მოსკოვის საერთაშორისო ურთიერთობების სახელმწიფო უნივერსიტეტის საერთაშორისო სამართლის ფაკულტეტი
სამუშაო გამოცდილება:
1981-1988წწ. მუშაობდა საბჭოთა კავშირის საგარეო საქმეთა სამინისტროში, საერთაშორისო ორგანიზაციების განყოფილებაში, შემდგომ, კოსმოსის და ბირთვული შეიარაღებების განყოფილებაში;
1988-1990წწ. – დიპლომატიური აკადემიის ასპირანტი;
1990-2008წწ. დაკავებული იყო კერძო ბიზნესით და ხელმძღვანელობდა თავის დაარსებულ კომპანიებს: “Georgia Arts Management” და “Gregory Vashadze and BR”;
2008 წელს საქართველოს საგარეო საქმეთა მინისტრის მოადგილე; იმავე წელს საქართველოს კულტურის, ძეგლთა დაცვისა და სპორტის მინისტრი;
2008-2012წწ. საქართველოს საგარეო საქმეთა მინისტრი.
მინიჭებული აქვს სრულუფლებიანი და საგანგებო დესპანის დიპლომატიური რანგი.
2018 წლის ივლისში, გრიგოლ ვაშაძე ოპოზიციურმა გაერთიანებამ „ძალა ერთობაშია“, 2018 წლის 28 ოქტომბრის არჩევნებზე, საპრეზიდენტო კანდიდატად წარადგინა.
გრიგოლ ვაშაძე დაჯილდოებულია ვახტანგ გორგასლის პირველი ხარისხის ორდენით.
ქუთაისი – საქართველოს პოლიტიკური ცენტრი
მივიღებთ ქუთაისის სამთავრობო ქალაქის განმსაზღვრელ კანონს. ქუთაისში უნდა განთავსდეს:
- საქართველოს პარლამენტი;
- მთავრობის, სამინისტროების, სახელმწიფო უწყებების ოფისები;
და მათი აპარატები მთლიანად უნდა დაკომპლექტდეს ქუთაისის მაცხოვრებლებით. შედეგად – შეიქმნება 5 ათასამდე დამატებითი სამუშაო ადგილი და ოჯახებს მეტი შემოსავალი გაუჩნდებათ.
ამავე კანონით ქუთაისის ბიუჯეტი უნდა განისაზღვროს ერთ სულ მოსახლეზე 1000 ლარის ოდენობით და იყოს არანაკლებ 150 მლიონი ლარისა.
პარტნიორ სახელმწიფოებთან ვიმუშავებთ, რომ ქუთაისში გაიხსნას მათი საკონსულოები.
ქუთაისი – ტურისტული ცენტრი
ქუთაისი გადაიქცევა საქართველოს და სამხრეთ კავკასიის ერთ–
ერთ მთავარ ტურისტულ ცენტრად.
- ქუთაისში შევქმნით ტურისტული ინფრასტრუქტურის სწრაფი განვითარებისთვის გადასახადისგან თავისუფალ ტურისტულ ზონებს;
- ინვესტორებს საკუთრებაში გადავცემთ სახელმწიფოს საჯუთრებაში არსებულ მიწას ტურისტული ობიექტების და სამუშაო ადგილების შესაქმნელად;
- ქუთაისის აეროპორტში იაფფასიანი ფრენები, მინიმუმ, გავაორმაგებთ, რაც ტურისტების რაოდენობას მნიშვნელოვნად გაზრდის;
- 2021 წლის ტურისტული სეზონისთვის ყველა ტურისტული ობიექტი მნიშვნელოვანი საგადასახადო შეღავათით ისარგებლებს;
- ვიმუშავებთ, რომ ქუთაისის აეროპორტის ბაზაზე ქართული ავიაკომპანია შეიქმნას, რომელიც იაფფასიან რეისებს განახორციელებს;
- ქუთაისში, როგორც ტრადიციული ქართული კულინარიის ცენტრში – ტურისტული ნაკადების მოსაზიდად საფუძველს ჩავუყრით ღვინისა და კულინარიულ ფესტივალებს.
შედეგად – შეიქმნება 10 ათასამდე სამუშაო ადგილი. ქალაქში დამატებებით ფინანსური რესურსი შემოვა, და ოჯახების შემოსავალი მნიშვნელოვნად გაიზრდება.
ქუთაისი – მსუბუქი მრეწველობის და მედიცინის ცენტრი
ქუთაისში ავაღორძინებთ სამკერვალო საწარმოების და აბრეშუმის წარმოებას; ამისათვის შევქმნით თავისუფალ ეკონომიკურ ზონას, რის შედეგადაც ქუთაისის ერთ-ერთი ტრადიციული დარგი გაცოცხლდება. მაღალი ხარისხის, მათ შორის, საერთაშორისო ბრენდების პროდუქცია საქართველოს და ქუთაისის კიდევ ერთ საექსპორტო საგნად იქცევა. შექმნება 2 ათასამდე მაღალშემოსავლიანი სამუშაო ადგილი.
ქუთაისში გავხსნით საუნივერსტეტო სამედიცინო კლინიკას.
ქუთაისი – საქართველოს კულტურული და სპორტული ცენტრი
აღვადგენთ ქუთაისის კულტურულ და სპორტულ ტრადიციებს
- ქუთაისის გ. ალექსი-მესხიშვილისა და ოპერის თეატრების სრული რეაბილიტაცია მოგვცემს საშუალებას საფუძველი ჩაეყაროს საერთაშორისო თეატრალურ და მუსიკალურ ფესტივალებს;
- განვახორციელებთ მ. ბალანჩივაძის სახელობის მუსიკალური სასწავლებლის სრულ რეაბილიტაციას;
- ხელოვნების და სპორტული სასწავლებლების მასწავლებლებს და მწვრთნელებს მიენიჭებათ პედაგოგის სტატუსი;
- ქუთაისი ქართული ფეხბურთის და რაგბის ცენტრი – შევქმნით ორ მსოფლიო დონის აკადემიას , იმისთვის, რომ მოვამზადოთ უმაღლესი დონის ფეხბურთელები და რაგბისტები.
