ექიმის ინფორმაციით, გლდანში გამვლელის მიერ დაჭრილ მოზარდს ხვალ კიდევ ერთ ქირურგიული ოპერაცია ჩაუტარდება.
როგორც დაჭრილი მოზარდის ექიმმა, ქეთევან კუპატაძემ განუცხადა, მოზარდის მდგომარეობა ამ ეტაპისთვის სტაბილურად მძიმეა და კვლავ მართვით სუნთქვაზე იმყოფება.
„პაციენტს მუცლის არეში ჰქონდა ერთი ნაფლეთოვანი ჭრილობა, დაზიანებული იყო პანკრეასი და კუჭი“, – განაცხადა ქეთევან კუპატაძემ.
შეგახსენებთ, ორი დღის წინ მეტროსადგურ „ახმეტელის თეატრის“ მიმდებარე ტერიტორიაზე არასრულწლოვანი დაჭრეს. არსებული ინფორმაციით, 15 წლის მოზარდი გამვლელმა, ნასვამ მდგომარეობაში მყოფმა მამაკაცმა დაჭრა. აღნიშნული მამაკაცი სამართალდამცავებმა ადგილზევე დააკავეს.
გამოძიება სისხლის სამართლის კოდექსის 19/109 მუხლით დაიწყო, რაც არასრულწლოვნის მიმართ დამამძიმებელ გარემოებაში ჩადენილ განზრახ მკვლელობის მცდელობას გულისხმობს.
