ლონდონში, 6 წლის გოგომ საშობაო ბარათში დამალული შეტყობინება აღმოაჩინა. „ჩვენ ვართ უცხოელი ტყვეები შანხაის ციხეში. გვაიძულებენ ვიმუშაოთ საკუთარი ნების წინააღმდეგ. გთხოვთ, გვიშველეთ. შეატყობინეთ ადამიანის უფლებადამცველ ორგანიზაციებს“,- წერია ბარათში, რომელიც 6 წლის ბავშვს მეგობრისთვის უნდა ეჩუქებინა.
ბრიტანული მედიის ცნობით, 6 წლის ფლორენს ვიდიქომბიმ ბარათი ერთ-ერთ სუპერმარკეტში იყიდა. როგორც ცნობილი გახდა, აღნიშნულმა სუპერმარკეტმა ბარათების წარმოება ჩინეთის ერთ-ერთ ქარხანას დაუკვეთა.
ბავშვის განცხადებით, ის ძალიან დაამწუხრა ამ ამბავმა, როდესაც მშობლებმა მისი მნიშვნელობა აუხსნეს.
BBC შანხაის ქინგპუს საპატიმროსაც დაუკავშირდა, სადაც აღნიშნული ინფორმაცია უარყვეს. მათი თქმით, იქ არავის აიძულებენ მუშაობას.
