გოგი წულაიამ მართვის მოწმობის გამოცდის ელექტრონული რეგისტრაციის სერვისში არსებულ ხარვეზებზე ისაუბრა. პარტია „თავისუფალი საქართველოს“ თავმჯდომარის მოადგილე ამბობს, რომ ელექტრონული რეგისტრაციის პირობებში მომხმარებლები გამოცდის ჩასაბარებლად სასურველ დროსა და ქალაქს ვერ ირჩევენ . პირობითად, ქუთაისში მაცხოვრებელს შესაძლოა თბილისში, ან რომელიმე რეგიონში მოუწიოს მართვის მოწმობის გამოცდის ჩაბარება, რაც დამატებით ხარჯებთან არის დაკავშირებული. მომსახურების სააგენტოს ქუთაისის ცენტრის ხელმძღვანელი დავით გაბელაშვილი ამბობს, რომ ელექტრონული რეგისტრაციის დროს არა კომპიუტერი, არამედ თავად მოქალაქე ირჩევს გამოცდის ჩასაბარებლად სასურველ დროსა და ქალაქს. მისივე განმარტებით, ელექტონული სერვისი გაცილებით ხელსაყრელია და მოქალაქემ ზუსტად იცის, მისი გამოცდა როდის არის ჩანიშნული.
სახელმწიფო ადმინისტრირების სკოლა ქუთაისიდან თბილისში გადაიტანეს
ზურაბ ჟვანიას სახელობის სახელმწიფო ადმინისტრირების სკოლა ქუთაისიდან თბილისში გადაიტანეს. აღნიშნული სასწავლებელი ქუთაისში, ნიკეას ქუჩაზე 20 წლის განმავლობაში ფუნქციონირებდა. 2005 წლის 10 ივნისს საქართველოს პრეზიდენტის №476 ბრძანებულებით შეიქმნა სსიპ ზურაბ ჟვანიას...
