შორენა აბულაძე სოციალურ ქსელში პოსტს აქვეყნებს და დახმარებას ითხოვს
“ჩემს სოფელში,ისევე როგორც სხვა სოფლებში არ უყვართ აქტიური ადამიანები.
ზუსტად ვიცი რამდენი “ამრიზავს” ტუჩს.
მოვიდა ახლა ახალი ჭკუისსწავლებითო
დიახ,მოვედი!
მე ჩემი მოქალაქეობრივი ვალი უნდა მოვიხადო!!!
რეალური საფრთხე შევახსენო ადამიანებს,სანამ გვიან არ არის!!?
ეს ჩემი სოფელია.ჩვენი პატარა სამოთხე,ულამაზესი ხეობა.
ამ დილას შვილმა ჩამიგდო ვიდეო,ერთმა კარგმა ბიჭმა გადაიღო.
სოფლის ერთ-ერთ უბანში,ზედვაკის ფერდობზე ზირაქაძეებმა ეს კოპწია სალოცავი ააშენეს,უფლისთვის და ხალხისთვის.
ჩემი სახლიდან პირდაპირ ჩანს ეს ეკლესია.
საქმე ისაა რომ,უფალი არ გაგვიწყრეს და ეს მიწა არ მოწყდეს,არ “მოშვავდეს” როგორც იმერეთში იტყვიან.
გარდა იმისა რომ, საავტომობილო გზას წამებში ჩაკეტავს, ასევე ჩაკეტავს ხეობის მდინარეს.
უფალო ნუ დაუშვებ
სოფელი ხომ დაიტბორება ეს ერთი (მეტი ცუდზე ფიქრიც არ მინდა)
და გარღვეული წყლის ნაკადი,სრულიად წალეკავს ჩვენს დაბლა მოსახლეობას,რადგან ზეგანი-დიმი მართლა ვიწრო ხეობაში არიან განლაგებული.
აქეთ – იქით მთები,შუაში მდინარე,გზა და მთის ძირში განლაგებული სახლები.
მე არ ვიცი ამ პრობლემის შესახებ იცის თუ არა რაიონმა.
აქ მინიმუმ გეოლოგიური სამსახური უნდა ჩაერიოს.
თუ იცის მით უკეთესი
არ აწყენთ კიდევ შეხსენება!
თუ არ იცის იქნებ ჩემზე კომპეტენტურმა მიაწვდინოს ხმა
და დადონ დასკვნა თუნდაც მოსახლეობის დასამშვიდებლად.
სიტყვით კი არა,ხელმოწერილი საბუთით!
იმედია ამ პოსტს ნახავენ სოფლიდან წასული პატივსაცემი გვამები ამა სოფლისანი,და თავიანთ გავლენებს გამოიყენებენ მიზანმიმართულად პრობლემის დროულად მოსაგვარებლად
უფლის წყალობით ჩვენ პატარა სოფელს უამრავი კარგი,სახელოვანი ადამიანი ჰყავს უბეში გაზრდილი
პატივისცემით გლეხის ქალი : შორენა აბულაძე – ქობალია.”
