,,გამოღვიძება” – ქუთაისში აქცია დაიგეგმა. მოქალაქეები რუსეთის აგრესიას გააპროტესტებენ, უკრაინას სოლიდარობას გამოუცხადებენ და მოსახლეობის მოთხოვნებს გააჟღერებენ. შეკრება ქალაქის ცენტრალურ მოედანზე ხვალ, 6 მარტს, 18:00 საათზე დაიწყება.
,,ვიკრიბებით რათა ერთობლივად მოვახერხოთ იმ საერთო წუხილებისა და ტკივილების გაანალიზება, რაც რუსეთის მიერ უკრაინელი ძმებისა და დების მიმართ სამხედრო აგრესიას მოჰყვა.
კამპანია We Stand For U ქუთაისში გააქტიურდა უკრაინაში რუსეთის ხელისუფლების სამხედრო თავდასხმის საპროტესტოდ.
აქციის დღისწესრიგის გათვალისწინებით ხმამაღლა გაჟღედება სოლიდარობა უკრაინის მიმართ, ამავდროულად მოხდება სიტყვით გამომსვლელთა მიერ არა მოთხოვნების გაჟღერება, არამედ ისინი შეეცდებიან საკუთარი პოზიციების გამოხატვას საქართველოს ხელისუფლების მხრიდან დაშვებული თითოული გამოსწორებადი თუ გამოუსწორებელი შეცდომის შესახებ.
გვსურს, რომ გავავსოთ ცენტრალური მოედანი ჰუმანიტარული დახმარების პროდუქციით, ამიტომ გთხოვთ მოვიტანოთ ქვემოთ ჩამოთვლილი პროდუქცია, რომელსაც უკრაინის საელჩოს მივაწოდებთ. #ქართველიხალხისგან
აქციაზე გაჟღედება ისეთი მოთხოვნებიც, რომელთა მიმართაც არსებობს მოსახლეობის ერთიანი თანხმობა :
კერძო ტელეკომუნიკაციების კომპანიებს მაგთიკომსა და სილქნეტს მივმართავთ თხოვნით შეზღუდონ რუსული ნარატივის მატარებელი არხები საკუთარ საქმიანობაში.
„თავისუფლების ქარტიის“ საბჭომ ჩამოხსნას სკვერიდან რუსეთის რევოლუციონერის ვასილ კიკვიძის ძეგლი.
საქართველოს ხელისუფლებამ დახუროს ცა რუსული საჰაერო ტრანსპორტისათვის, რაც შეზღუდავს რუსული თვითმფრინავების გადაადგილებას სხვა ქვეყნებში.
ქუთაისის ადგილობრივმა ხელისუფლებამ გააუქმოს ქალაქის ბიუჯეტის არამიზნობირივი პუნქტები, მაგალითად დაოჯახებული წყვილთათვის ფულადი ჯილდოს შესახებ, სხვა პუნქტებს ეტაპობრივად მოგაწვდით და დაზოგილი თანხით დაეხმაროს უკრაინელ მოქალაქეებს.
რეგიონში მცხოვრებ ადამიანებს, რომლებსაც გაწუხებთ საქართველოსა და უკრაინის ბედი გელოდებით ქუთაისის ცენტრში, ვიკრიბებით ოჯახის წევრებთან და მეგობრებთან ერთად !” – ნათქვამია გავრცელებულ ინფორმაციაში.
