როინ მებონიას, რომელსაც გამოძიება საზოგადოებრივ ტრანსპორტში მეუღლის განზრახ მკვლელობას ედავაბა, აღკვეთის ღინისძიების სახით პატიმრობა შეეფარდა.
მოსამართლე ლაშა კლდიაშვილმა პროკურატურის შუამდგომლობა დააკმაყოფილა, შოთაძის უწყება პატიმრობის გამოყენებას მოითხოვდა, დაცვის მხარე კი ბრალდების მხარის პოზიციას დაეთანხმა.
ადვოკატი კი აცხადებს, რომ როინ მებონიას ჯანმრთელობის მძიმე მდგომარეობა აქვს.
“ბრალდებულს ფაქტების გახსენება უჭირს. მას ჯანმრთელობის სერეიოზული პრობლემა აქვს და ფაქტების აღდგენას ვერ ახერხებს. ბრალდების პოზიციას, პატიმრობის გამოყენებასთან დაკავშირებით არ ვეთანხმებით. სამწუხაროდ, მკვლელობას მცორეწლოვანი ბავშვებიც ესწრებოდნენ, მათზე შესაბამისმა სამსახურებმა უნდა იზრუნონ. ბავშვები ახლა ნათესავებთან არიან.”- აცხადებს სულხან კომახიძე.
გამოძიების ინფორმაციით, როინ მებონიამ მეუღლეს არასრულწლოვანი შვილების თანდასწრებით, ცივი იარაღით სხეულის სხვადასხვა ადგილზე მრავლობითი დაზიანებები მიაყენა. ქალი ადგილზე გარდაიცვალა.
როინ მებონიას ბრალი გუშიუნ წარედგინა, დანაშაული, რომელსაც ახალგაზრდა კაცს ედავებიან, სასჯელის სახედ და ზომად 16 დან 20 წლამდე ან უვადო თავისუფლების აღკვეთას ითვალისწინებს.
