ბოლო 24 საათში, ინდოეთში, დასავლეთ ბენგალიის შტატში, მეხის ჩამოვარდნის შედეგად სულ მცირე 27 ადამიანი გარდაიცვალა.
ასევე ინდოეთში მაჰარაშტრას შტატში, ქიმიურ ქარხანაში გაჩენილ ხანძარს 18 ადამიანი ემსხვერპლა. გარდაცვლილებს შორის 15 ქალია. კიდევ ორი მძიმედ დაშავებულია. საწარმოში ხანძრის დროს 37 ადამიანი მუშაობდა.
რაც შეეხება კოვიდს, ინდოეთში გასული დღე-ღამის განმავლობაში ვირუსს 2,123 ადამიანი ემსხვერპლა.
ქვეყანაში ბოლო 24 საათის განმავლობაში ინფექცია კიდევ 86,498 პირს დაუდასტურდა, რაც ბოლო 66 დღის განმავლობაში ინდოეთში ინფიცირების ყველაზე დაბალი დღიური მაჩვენებელია.
