მოწყვლად ბავშვებთან და ოჯახებთან მუშაობასა და ბავშვთა მიმართვიანობის საკითხებში იმერეთის რეგიონის თვითმმართველობების წარმომადგენლებისთვის ტრენინგი უტარდებათ.
4 დღიან გადამზადების პროგრამაში, რომელსსაც World Vision ატარებს თვითმმართველობის სოციალური სამსახურების როლს მოწყვლად ბავშვებთან მუშაობაში და მათი მხარდაჭერის სტრატეგიებს განიხილავენ.
World Vision-ის ცნობით ტრენინგის მიზანია მუნიციპალური სოციალური მომსახურებების გაძლიერება და პილოტირება თვითმმართველობათა დონეზე, ასევე სსიპ. სოციალური მომსახურების სააგენტოსა და თვითმმართველობის სოციალურ სამსახურებს შორის კოორდინაციის ხელშეწყობა.
ტრენინგს ესწრებიან ადგილობრივი მუნიციპალიტეტის წარმომადგენლები, სოციალური სამსახურის ხელმძღვანელი პირები და საბინაო სამსახურის თანამშრომლები.
ტრენინგები ევროკავშირის მიერ დაფინანსებული პროექტის „ბავშვთა დაცვისა და კეთილდღეობის ხელშეწყობა“ ფარგლებში ტარდება, რომელიც World Vision საქართველო სსიპ სოციალური მომსახურების სააგენტოს, სახალხო დამცველისა აპარატსა და საქართველოს საპატრიარქოსთან თანამშრომლობით ახორციელებს. პროექტის მიზანია სახელმწიფო დონეზე ბავშვთა დაცვისა და კეთილდღეობის სისტემისა და მომსახურებების გაძლიერება, შესაბამისი პოლიტიკისა და პრაქტიკის დანერგვა მოწყვლადი ბავშვებისა და ოჯახების საჭიროებათა უკეთ დაკმაყოფილების მიზნით.
იმერეთის რეგიონის თვითმმართველობების წარმომადგენლებისთვის ტრენინგი 28-31 ივლისს, სასტუმროში „ბორჯომი-ლიკანი“ ტარდება. World Vision საქართველო ადგილობრივი თვითმმართველობების გადამზადებისა და სოციალური მომსახურებების გაძლიერების მიზნით შეხვედრებს საქართველოს ყველა მუნიციპალიტეტის წარმომადგენლებისთვის გეგმავს.
