ბაგრატის ტაძარში წყალი ჩადის. ამის ამსახველ ფოტო მასალას საკუთარ ფეისბუქ გვერდზე კულტურული მემკვიდრეობის დაცვის სააგენტოს ხელმძღვანელი ნიკოლოზ ანთიძე ავრცელებს.
„მოვინახულე ბაგრატის ტაძარი. ძვირადღირებული სპილენძის გადახურვის მიუხედავად, რომელიც წესით მყარი გარანტია უნდა იყოს წყლის შეკავების, რადიკალურად სხვა ვითარება მივიღეთ. 9 წლის წინ გადახურულ ტაძარში ჩემდა სამწუხაროდ, წყლის ჩადინების ძალზე ბევრი კერა გაჩნდა ((( წელს დავიწყებთ კვლევას და გამოსასწორებელი ღონისძიებების დაგეგმვას.“-წერს ანთიძე.
მის ამ პოსტს ფესიბქ მომხმარებლების მხრიდან განსხვავებული კომენტარები და გამოხმაურება მოყვა. ნაწილმა აღნიშნული გელათში მიმდინარე მოვლემენის გადაფარვის მცდელობად შეაფასა. ბაგრატის ტაძრის რესტავრაცია 2009 წელს დაიწყო და 2012 წელს დასრულდა. ძეგლზე ჩატარებული არასწორი სარესტავრაციო სამუშაოების გამო, იუნესკომ ტაძარი მსოფლიო მემკვიდრეობის ძეგლთა ნუსხიდან ამოიღო, რომლის ნაწილიც ის 1994 წლიდან იყო.
