მსხვერპლით დასრულდა ავტოსაგზაო შემთხვევა ახმეტის მუნიციპალიტეტში – დაღუპულია ორი ადამიანი.
შემთხვევა ცოტა ხნის წინ, ალვანის მიმართულებით, მდინარე ალაზნის გადასასვლელ ხიდთან მოხდა.
სავარაუდოდ, გადაჭარბებული სიჩქარით მიმავალი ჯიპის მარკის ავტომანქანა, რომელშიც ექვსი ადამიანი, მათ შორის, სამი არასრულწლოვანი იმყოფებოდა, გადაბრუნდა.
ორი მგზავრი ადგილზე გარდაიცვალა, 6-დან 12 წლამდე ასაკის ბავშვები კი მძიმედ დაშავდნენ.
სასწრაფო-სამედიცინო დახმარების ჯგუფმა, დაშავებული არასრულწლოვნები თელავის რეფერალურ საავადმყოფოში გადაიყვანა.
ექიმების განმარტებით, მოზარდებს მოტეხილობები და მუცლის დახურული ტრავმები აღენიშნებათ.
ამ წუთებში, შესაბამისი კვლევები მიმდინარეობს.
შემთხვევის ადგილზე საპატრულო პოლიცია და მაშველები იმყოფებიან.
