აშშ-ში კიდევ ერთი შავკანიანი მამაკაცის დაკავების ამსახველი ვიდეო გავრცელდა, რომელიც, დაკავებისას შეუძლოდ გახდა და გარდაიცვალა, – ამის შესახებ ინფორმაციას CNN-ი ავრცელებს.
გამოცემის ცნობით, ვიდეო შარშან, ოკლაჰომა-სიტიშია გადაღებული და მასზე 42 წლის დერიკ სკოტის დაკავების ფაქტია ასახული.
ვიდეოში ჩანს თუ როგორ მისდევს ორი პოლიციელი გაქცეულს, დაეწევა და მიწაზე აწვენს. ისმის დაკავებულის ხმა: „ვერ ვსუნთქავ“ და პოლიციელის პასუხი : „არ მაინტერესებს.“
დაკავებისას მამაკაცმა გონება დაკარგა, ადგილზე მისულმა სამედიცინო პერსონალმა კი მისი გადარჩენა ვერ შეძლო.
მამაკაცის აუტოფსიის შედეგებმა აჩვენა, რომ დერიკ სკოტის სიკვდილის მიზეზი ფილტვის კოლაფსი გახდა.
https://www.youtube.com/watch?v=gU14one-J2Y&fbclid=IwAR2NPgG-aPVdGancegUGTjPqGaW6qSdqCdCNv4mbo0GvSK3lXOZhfNQoARg
