აქტივისტებს, რომლებიც ნამახვანჰესის მშენებლობას ეწინააღმდეგებიან, სოფელ ნამოხვანში არ უშვებენ.
ისინი პოლიციამ გუმათჰესის ტერიტორიაზე გააჩერა და გადაადგილების უფლებას არ აძლევს. სამართალდამცავები აქტივისტებს ეუბნებიან, რომ სარემონტო სამუშაოების გამო გზაა გადაკეტილი, თუმცა, თავისუფლად ატარებენ სხვა ავტომანქანებს.
აქტივისტები მომხდარს კანონდარღვევად აფასებენ და აცხადებენ, რომ პოლიციას მათ მიმართ შერჩევითი დამოკიდებულება აქვს. მათი თქმით, სოფელში ჰესის სამშენებლო სამუშაოების ფარგლებში დანაღმული მთის აფეთქებაა დაგეგმილი და მათთვის გზის გადაკეტვა ამას ემსახურება.
