გადაცემის “შუადღე ქუთაისში” სტუმარმა, საკალათბურთო კლუბ “ქუთაისი 2010”-ის მთავარმა მწვრთნელმა , კოტე ტუღუშმა იმ სიყვარულის და დამოკიდებულების შესახებ ისაუბრა, რომელიც მას 7 წლის მანძილზე ჩვენს უსაყვარლეს ქალაქ, ქუთაისთან ჩამოუყალიბდა.
“შარშან ისე რადიკალურად ვთქვი და გადაწყვეტილი მქონდა წასვლა, მაგრამ ძალიან ბევრმა რამემ გადამაფიქრებინა . ქუთაისი ჩემი ცხოვრების ნაწილია, არ არის ადვილი, 7 წელი აქ ვცხოვრობ, ძალიან ბევრ ადამიანთან ძალიან კარგი ურთიერთობა მაქვს. რაც მთავარია ის გუნდი და ის კოლექტივი სადაც ვმუშაობ დიდ სიამოვნებას მანიჭებს, ფუფუნებაა ჩემთვის და დიდ კომფორტს მანიჭებს. ამას ყველაფერს თან დაერთო ის, რომ წარმატებული გუნდი ვიყავით და არ მქონდა უფლება წარმატებული გუნდი მიმეტოვებინა. ქუთაისი სხვა ურთიერთობაა , სხვა გაგებაა. ნებისმიერ სპორტის სახეობაში ქუთაისი თავის სათქმელს იძახის.”
