“ექსპერტიზის დასკვნას ვინ ჩივის, არც გამოძიება ყოფილა დაწყებული” – ამის შესახებ სოციალურ ქსელში გავრილოვის ღამის ერთ-ერთი დაზარალებული მაკო გომური წერს.
“მეგა ტვ” პოსტს უცვლელად გთავაზობთ:
“მოკლედ 4თვეზე მეტია გასული, ექსპერტიზის დასკვნას ვინ ჩივის, არც გამოძიება ყოფილა დაწყებული:)
დღეს დამირეკეს და ექსპერტიზის შეკითხვა გადმომცეს: დაკარგე თუ არა ჯანსაღი თვალიო, ანუ მანამდე თვალზე რამე პრობლემა ხო არ გქონდაო.წარმოიდგინეთ,მთელი ოთხი თვის განმავლობაში ექსპერტიზას მეტი შეკითხვა არ გაუჩნდა.ანუ -30 რომ მქონოდა ჯანდაბას,მაინც მოსაშორებელი თვალი იყო?” -წერს მაკო გომური
შეგახსენებთ, 20-21 ივნისის ღამეს პარლამენტის მიმდებარე ტერიოტირაზე მიმდინარე მოვლენების შედეგად დაშავებული ადამიანები დღემდე არ არიან დაზარალებულად ცნობილნი.
