„ქუთაისის ტექნოლოგიურ უნივერსიტეტამდე მისასვლელი გზის გასაკეთებლად ასობით ჯანსაღი ხე იჩეხება“ – ამის შესახებ პარტია „თავისუფალი საქართველოს“ თავმჯდომარის მოადგილემ განაცხადა. გოგი წულაიამ მუხნარის ტყეში მიმდინარე პროცესები გააპროტესტა. მისთვის გაუგებარია, რატომ ჭრიან უნიკალური ჯიშის, წითელ წიგნში შესულ ხეებს, როცა უნივერსიტეტამდე მისასვლელი გზები უკვე არსებობს. მისივე ინფორმაციით კიდევ სამი ასეთი გზის შეყვანა იგეგმება. გოგი წულაია ფაქტს ვანდალურს უწოდებს და ამბობს, რომ ამის ჩამდენი თემურ ლენგის პირდაპირი შთამომავალია. პარტია „თავისუფალი საქართველოს“ თავმჯდომარის მოადგილემ თითოეულ ქუთაისელს მიმართავს დროზე გამოფხიზლდნენ და შეაჩერებინონ ხეების ჭრის პროცესი, წინააღმდეგ შემთხვევაში ქუთაისი ეკოლოგიური კატასტროფის წინაშე დადგება. ცნობისთვის, ქუთაისში ტექნოლოგიური უნივერსიტეტი შენდება. კორპუსის 5 სართული უკვე აშენებულია. პირველ ეტაპზე უნივერსიტეტში 1000 სტუდენტის მიღება იგეგმება. მშენებლობის პარალელურად კი ასობით უნიკალური ჯიშის ხე იჩეხება.
ლევან ხაბეიშვილს აღკვეთის ღონისძიების სახით პატიმრობა შეეფარდა
უკანონო ქმედების ჩასადენად მოხელისათვის ქრთამის დაპირებისა და სახელმწიფო ხელისუფლების დამხობისაკენ საქვეყნოდ მოწოდების ფაქტზე „ნაციონალური მოძრაობის“ პოლიტსაბჭოს თავმჯდომარეს, ბრალდებულ ლევან ხაბეიშვილს აღკვეთის ღონისძიების სახით პატიმრობა შეეფარდა, გამოძიებისთვის ხელის შეშლის ფაქტზე დაკავებულ ოპოზიციონერ პოლიტიკოსს...
