,,დღეს არის განსაკუთრებული დღე. დღეს ეკლესიაში მაცხოვარმა თვითონ გვანახა, თუ როგორ უნდა ვიცხოვროთ, რომ აუცილებელია ეზიარო ადამიანი და უნდა იცოდე, რომ უღირსი ხარ, მაგრამ ღირსეულად უნდა ეზიარო, თუ არადა ვიცით, რომ იუდამაც მიიღო ზიარება, მაგრამ გაიქცა და რაც აღასრულა ვხედავთ.
ადამიანს ორად ორი გამარჯვება სჭირდება ცხოვრებაში. პირველი გამარჯვებაა ჭეშმარიტი ღმერთი შეიმეცნოს, ნათელი იღოს და მართლმადიდებელი ქრისტიანი გახდეს, მართლმადიდებელი ეპისკოპოსი ვარ და უნდა გითხრათ, იმიტომ რომ ჩვენთვის ჭეშმარიტება მაგია, და მეორე კიდე, ეს ერთი გამარჯვება არ არის საკმარისი, შეიძლება ყველამ იცის , რომ ღმერთი ერთია და ყველას ღმერთი ღმერთიც არ არის და მეორე მთავარი გამარჯვებაა საკუთარი მე, საკუთარი ეგო დაამარცხო ადამიანმა. ეს ეკლესიური ცხოვრების გარეშე წარმოუდგენელია. ჩვენ ვიცით, რომ ზიარების გარეშე, მარიამ ეგვიპტელსაც თუ გავიხსენებ და სხვებსაც, თვითონ მაცხოვარი გვიჩვენებს, რომ აუცილებელია ეკლესიური ცხოვრება, აუცილებელია ქრისტეს არ დავშორდეთ და ბევრს ეხლა, ზიარება ჰგონია, რომ მივიდა და ვთქვათ, 13 -ში ეზიარა. ეს ზეცაში ხდება, ზიარება ზეცაში ხდება. ეს ხდება მარადისობაში და არ ხდება წარმავალ დროში. იქ ვეზიარებით, ზეცაში და ეს ყველამ უნდა ვიცოდეთ და უმეტესობა ქრისტიანობამ მაგი არ იცის, მარტო პირის გაღეაზე არაა, ყველსა და პურს არ ვიღებთ ჩვენ, უნდა ვიცოდეთ, რომ ეს მაცხოვრის ხორცია, მაცხოვრის სისხლია. კანიბალები კი არ ვართ. ეს აუცილებელია ჩვენთვის. ის ხორცი და ის სისხლია ზუსტად ის, რომ ცოდვებისაკენ მიდრეკილებას სწვავს და გაბრუნებს ქრისტეს წიაღში.
ამიტომ აუცილებელია თავიდან, რადგან ვთქვით, რომ პირველი გამარჯვება ჭეშმარიტი ღმერთის შეცნობაა, მაშინ შეიმეცნებს ადამიანი ღმერთს, როდესაც შეუერთდება ღმერთს, ანუ ნათელს იღებს და მირონს იცხებს და მირონცხების გარეშე სულიწმინდის ნიჭები არ გადაეცემა.
მერე არის აღსარება, მერე არის ზიარება, გვაბრუნებს, ისევ ქრისტეს გვაერთებს და ღმერთმა ინებოს, რომ ჩვენი ერი მასე ყოფილიყოს და მსოფლიოში ვისაც სურვილი აქვს ისინიც მასე ყოფილიყვნენ.
ცოტა ხნის წინ ბზობის დღესასწაული იყო და მსოფლიო და კაცობრიობა ყოველთვის არჩევანის წინაშე დგება ხოლმე, გადის თუ არა ბზობის დღესასწაული, დედამიწაზე თითქმის ყველაფერი მეორდება და ისევ ვდგებით არჩევანის წინაშე. გადახედეთ საქართველოს ისტორიას, მაშინვე დგება ქრისტე, თუ ბარაბა და გამიხარდა, რომ წელს ძალიან ცოტა ხალხი იყო იმასთან შედარებით, ვიდრე ისრაელში იყო, მაშინ ბარაბა აძახებინეს ყველას. ეხლა ბარაბას არავის ვარქმევ, მაგრამ არის საქციელები ადამიანი თვითონ უნდა ერიდებიდეს, რომ ბარაბა არ აღმოჩნდეს და ვერასდროს მიიღებს ჩვენი ერი, რომ ბარაბას საქციელს ქრისტეს საქციელი დავარქვათ.
ახალგაზრდობას მინდა ვუთხრა, რომ საუკეთესო ახალგაზრდობა გვყავს, მაგრამ რობოტებივით და ზომბებივით ნუ იქნებიან, აზროვნება ისწავლონ. შეიძლება გეგონოს, რომ მივდივარო, ქრისტეს საქმეს ვაკეთებ და სინამდვილეში ბარაბას საქმეს ემსახურებოდე- რუსულ სიტყვას ვიტყვი: ,,ურა პატრიოტი“ .
ღმერთმა დაგლოცოთ, ღმერთმა გაგახაროთ და ერთი რამ იცოდეთ, ჩვენი ეკლესია ყოველთვის იდგება მართლმადიდებლობის სადარაჯოზე და საქართველოს სახელმწიფოს ძლიერებაზე.
ჩვენი ეკლესია არ დაუშვებს, რომ ძალით შეგვიყვანონ, რაც არ უნდა იმპერია იყოს. ჩვენ თუ ვინმესთან ურთიერთობა გვინდა, იმიტომ გვინდა რომ კარგად ვიცხოვროთ და კარგად ვიყოთ და არა იმისთვის, რომ ვიღაცის მონები, რა, რუსის მონობა სხვისი მონობით შევიცვალოთ, ნურას უკაცრავად, რა ყველამ იცოდეს, რა. აბსოლიტურად ყველამ იცოდეს, ევროპამაც იცოდეს, ამერიკამაც იცოდეს, რუსმაც იცოდეს, თურქმა , ირანელმა და ჩინელმა და ასე შემდეგ და ასე შემდეგ, ქართველი კაცი არასოდეს არ გახდება არავის მონა, ღვთის მონობიდანაც გამოვა და შვილი გახდება და არა თუ შვილი, მეგობრობასაც მიაღწევს ღვთის შეწევნით.
ღმერთმა დაგლოცოთ, ღმერთმა გაგახაროთ, ღმერთმა სულიწმიდის მადლით აგავსოთ და სიხარულით შემოდის, მიუხედავად იმისა, რომ გავყიდეთ მაცხოვარი, ნუ ვიქნებით იუდები, ნუ ვიქნებით ის ადამიანები, თუმცა ჩვენი ცოდვებისათვის ევნო ხომ უფალი, ყოველდღე მაინც აჭედებ, აჭედებ და გიხარია, რომ აჭედებ იმ ლურსმებს, ლახვარს რომ უღერებ.
მაცხოვარს, რომ ასე არ გაეკეთებია, ჩვენ, ვერავინ ვერ ვცხობდებოდით, მართალიც და მტყუანი და მოგვცა დღეს საშუალება და ჭეშმარიტად, აღდგომის სიხარულით ეხლაც გაგვეხაროს და როდესაც მერვე დღე იქნება, ხო, ყველა ვყოფილიყავით უფალთან. გაიხარეთ.
ღმერთმა დაგლოცოთ, ღმერთმა გაგახაროთ, ჩვენს უწმინდესს ვულოცავ, ეს ეკლესია ფაქტიურად, ხო, ეკლესიის ეს ტრადიციები, ეს ყველაფერი- ადამიანი რომ სულით და ხორცით ცოცხალი იყოს, ღმერთმა დაამკვიდრა და დღევანდელი დღე გვაძლევს იმის თქმის საშუალებას, რომ ღმერთზე ახლობელი ჩვენ არავინ არა გვყავს, კაცობრიობას და მიუხედავად იმისა, რომ ცუდად ვცხოვრობთ ყოველთვის გვაქვს შესაძლებლობა, ღვთის წიაღს დავუბრუნდეთ.
ღმერთმა ინებოს, რომ ჩემი ერი დაუბრუნდეს, ჩემი ერი დაუბრუნდეს ღმერთს, თორემ ღმერთის სახელით იმდენი უმსგავსობა ხდება ვერავისგან ვერ მივიღებთ… მადლობა ღმერთს და მადლობა ჩემს ერს, ჩემს დედაეკლესიას, ჩემს სამშობლოს, რომ ღმერთს არ ღალატობს და ერთადერთი ერი დარჩა, რომელმაც არ უღალატა ცოტა ხნის წინ ღმერთს და დღესაც არ ღალატობს.
ღმერთმა დაგლოცოთ, ღმერთმა გაგახაროთ და აუცილებლად გავიმარჯვებთ, იცოდეთ! ღმერთმა დაგლოცოთ და გაიხარეთ!”-განაცხადა მეუფე იაკობმა.
