,,უკრაინული ფეხბურთის ლეგენდა ოლეკსანდრ შოვკოვსკი თავის სამშობლოში რუსეთის მიერ დაწყებულ ომს გამოეხმაურა და სოციალურ ქსელში ემოციური პოსტი გამოაქვეყნა.
შოვკოვსკი წერს, რომ ბოროტება აუცილებლად დამარცხდება და რუსეთი უკვე მე-6 დღეა მთელ სამყაროს აჩვენებს, რეალურად რასაც წარმოადგენს.
“რუსეთის მხრიდან სრულმასშტაბიანი ომის მე-6 დღე. ჩვენი ხალხის ტანჯვის მე-6 დღე. უკვე მე-6 დღეა, როცა მშვიდობიანი მოსახლეობა იღუპება, ჩვენი ქალაქები და სოფლები ნადგურდება.
საშინელების, ტკივილისა და ტანჯვის მე-6 დღე. თუმცა, მთელი ჩვენი ერის ერთიანობის მე-6 დღეცაა. მეექვსე დღეა მზარდი სიძულვილია ყველაფრის მიმართ, რაც რუსეთს ეხება. მეექვსე დღეა, რაც სამყარო იგებს, როგორებიც ხართ.
მინდა, ემოციების გარეშე ვილაპარაკო, ტოლერანტული ვიყო. იცხოვრე, იოცნებე, შეიყვარე, აღფრთოვანდი რაღაცით, ისიამოვნე ცხოვრებით, გაეცი და მიიღე სიყვარული. ადამიანები კი წყევლიან რუსეთს და მთელს თქვენს დაწყევლილ “მშვიდობას”. სადაც რაღაცას ეხებით, იქ მუდამ ტკივილი და ცრემლია, როგორც ჭირი პლანეტაზე, რომლის დაწვა და დამარხვა გინდა, რათა მისი ხსენებაც არ იყოს.
თქვენ აქ თავისუფლების სახელით მოხვედით, მაგრამ კლავთ ბავშვებსა და დედებს, შვილებსა და მამებს. თქვენ ანადგურებთ ჩვენს ქალაქებს და სოფლებს, მაგრამ ვერ ხვდებით, რომ საკუთარ თავს ანადგურებთ. თქვენ სიცოცხლეს გვართმევთ.
თავისუფლება არ არის ის, რისი მიცემაც შესაძლებელია, თავისუფლება არის ის, რისი წართმევაც შეუძლებელია. გამარჯვება მაინც ჩვენ დაგვრჩება, რადგან ბოროტება საკუთარ თავს შთანთქავს, ჯოჯოხეთში დაიწვება. დიდება უკრაინას, დიდება ერს, დიდება შეიარაღებულ ძალებს, დიდება უკრაინელებს, უკრაინა ყველაფერზე მაღლა დგას”.
შეგახსენებთ, რომ ოლეკსანდრ შოვკოვსკიმ მთელი საფეხბურთო კარიერა კიევის დინამოში გაატარა, რომლის ღირსებას 1993-2016 წლებში იცავდა, ხოლო უკრაინის ნაკრებში 92-ჯერ ითამაშა.
