ბოლო ხუთი წელია სოფელ ფარცხანაყანევში პომიდვრის მავნებელ პეპელას (თეთრ ბუზს) ებრძვიან. აქაური ფერმერები აღნიშნავენ, რომ წელს სათბურებს პეპლების გასაკუთრებით დიდი რაოდენობა შეესია .
ფარცხანაყანევი საქართველოს უდიდეს სოფელთა ათეულშია, რაც მისი გეოგრაფიული მდებარეობისა და მიწა ნიადაგის დამსახურებაცაა. მებაღჩეობა და სასათბურე მეურნეობა აქ წამყვანი დარგი და შემოსავლის ძირითადი წყაროა. ამიტომაც სოფელში თითქმის ყველა ოჯახი სასათბურე მეურნეობით საზრდოობს.
გასულ წლებში, მავნე პეპელასთან ბრძოლა არც ისე ადვილი, მაგრამ მეტნაკლებად შესაძლებელი იყო. წელს კი, მავნებლის გავრცელების მაშტაბების გამო, ბევრმა ფერმერმა პომიდვრის წარმებაზე უარი თქვა. ისინი, ვინც კვლავ პომიდვრის მოყვანით არიან დაკავებულნი, დაუძლეველი პრობლემის წინაშე აღმოჩნდნენ.
ერთ-ერთმა ფერმერმა მეგატვ-თან საუბრში აღნიშნა, რომ წელს, პარაზიტის განადგურების მათი არაერთი მცდელობა უშედეგოდ დასრულდა. პეპელა ყველა რეკომენდებული შხამქიმიკატის მიმართ მდგრადი აღმოჩნდა. ხარჯი და შრომა გაწიეს, თუმცა პეპლები კვლავ მრავლდებიან და მხოლოდ ერთი ფერმერის ძალისხმევა შედეგს ვერ გამოიღებს. საქმეს ისიც ართულებს, რომ პეპლები ხეებზეც ბინადრობენ და მეზობელ სათბურებშიც. ამიტომ მნიშვნელოვანია სახელმწიფოს მხარდაჭერა და მავნებელთან ბრძოლის ერთიანი სისტემის შექმნა.
