ავღანეთში ნატო-ს სამხედრო ავიაბაზაზე სარაკეტო თავდასხმა განხორციელდა. როგორც ავღანეთში ნატო-ს მისია „მტკიცე მხარდაჭერის“ წარმომადგენლები იუწყებიან, რაკეტები პროვინცია პარვანში მდებარე ბაგრამის ავიაბაზას ესროლეს.
„ხუთი რაკეტა ბაგრამის ბაზის მიმართულებით გამთენიისას გაისროლეს. თავდასხმას მსხვერპლი ან დაზიანებები არ მოჰყოლია. მომხდარს ავღანეთის ხელისუფლება იძიებს“, – ნათქვამია მისიის მიერ „ტვიტერით“ გავრცელებულ განცხადებაში.