ხონში მუსიკალურ კულტურული ცენტრის ,,ექსკლუზივი” პრეზენტაცია გაიმართა. ცენტრის შექმნის იდეის ავტორი და დამფუძნებელი, არაერთი ახალგაზრდული იდეის განმახორციელებელი, კახა წულაიაა.
როგორც კახამ განაცხადა მუსიკალურ-კულტურული ცენტრის ..EXCLUSIVE”-ის პრეზენტაცია, „აწარმოე საქართველოში“ პროექტის ფარგლებში გაიმართა, სადაც ცენტრის ქავერ ბენდის „Brave Birds“ -ის მიერ 3 საესტრადო ნომერი იყო წარმოდგენილი.
,,საზოგადოებას მივაწოდე ინფორმაცია ცენტრი მუშაობის, მიზნებისა და სამომავლო გეგმების შესახებ. წარვადგინე ჩემი გუნდის წევრები: სიმიან საკრავთა (ვიოლინო) მენტორი მარიამ კაკუშაძე და სიმებიან საკრავთა (კლასიკური გიტარა) მენტორი Tazo Kuchuxidze.
მინდა, დიდი მადლობა გადავუხადო ყველას, ვინც ბოლომდე იდგა ჩემს გვერდით და თავისი წვლილი შეიტანა ჩვენს ქალაქში კულტურული განვითარების საქმეში”- განაცხადა კახა წულაიამ.
მადლობის ადრესატების სია კი, შთაბმეჭდავი და არც თუ მცირე იყო.
დარბაზში მყოფი ადამიანები
პრეზენტაციას ინტერესით ადევნებდნენ თვალს, სადაც აშკარად იგრძნობოდა პროექტისადმი ნდობა და სიახლეების მოლოდინიც.
megatv.ge უერთდება საერთო განწყობას და ახალგაზრდების ახალ წამოწყებას წარმატებებს უსურვებს!