ქუთაისში უნივერსიტეტის მშენებლობის დროს, საჭირო გახდა რამდენიმე ძირი ხის ბუნებრივი გარემოდან ამოღება, რაც ემსახურება ტყის სანიტარულ გამოხშირვასა და განახლებას – ამის შესახებ, გოგი წულაიას ბრიფინგის საპასუხოდ, ქუთაისის საერთაშორისო უნივერსიტეტი ინფორმაციას ვებ-გვერდზე ავრცელებს.
“ქუთაისის საუნივერსიტეტო ქალაქი ქუთაისთან ახლოს, ეკოლოგიურად სუფთა გარემოში მდებარეობს. კამპუსის მშენებლობა 150 ჰექტარ მიწაზე ხორციელდება. ტერიტორიაზე გაშენებულია ტყის მასივი, რომლის სანიტარული გამოხშირვა და განახლება წლებია უკვე არ განხორციელებულა. სამშენებლო პროცესების პარალელურად, ქუთაისში უნივერსიტეტის მშენებლობის დროს, საჭირო გახდა რამდენიმე ძირი ხის ბუნებრივი გარემოდან ამოღება, რაც ემსახურება ტყის სანიტარულ გამოხშირვასა და განახლებას. ამასთან ერთად, კამპუსის მიმდებარე ტერიტორიაზე გაშენდა ახალი ნარგავები და მრავალი ხის ნერგი დაირგო უნივერსიტეტის ტერიტორიაზე.
ქუთაისის საერთაშორისო საუნივერსიტეტო ქალაქის მშენებლობა ერთ-ერთი უმსხვილესი პროექტია, რომლის ბიუჯეტი 1 მილიარდ ევროს შეადგენს, რომლის ანალოგიც რეგიონში აქამდე არ განხოციელებულა.
მსგავსი პროექტების განხორციელების დროს, არა მარტო საქართველოში, არამედ, ზოგადად, მთელ მსოფლიოში, გვაქვს გარემოება, როდესაც აუცილებელია გარკვეული მწვანე საფარის (ხეების, ბუჩქების) ბუნებრივი გარემოდან ამოღება. ამის მიზეზი შესაძლოა იყოს, ტყის სანიტარული გამოხშირვაც. აღნიშნული აუცილებლობის დროს, უნივერსიტეტიც და მშენებელიც მკაცრად იცავენ ქვეყნებში მოქმედ შესაბამის კანონმდებლობას. განსხვავება არც ქუთაისის საერთაშორისო უნივერსიტეტის სამშენებლო ტერიტორიას ეხება. ყოველი ხე და სხვა მწვანე საფარი, რომლის ბუნებრივი გარემოდან ამოღების აუცილებლობაც დგება, ან შეიძლება დადგეს სამშენებლო სამუშაოების ჩატარებისას, კანონის შესაბამისად და სპეციალური ნებართვის მიღების შედეგად ხორციელდება. ბუნებრივი გარემოდან ამოღებულ თითოეულ ხეზე კი, თუკი ამის გარდაუვალი საჭიროება დადგა (იგივე ტყის სანიტარული ნორმებიდან გამომდინარე), გათვალისწინებულია საკომპენსაციო მოსაკრებელი, როგორც მონეტარულად, ასევე ახალი ნერგების დარგვით, რომელსაც ქუთაისის საერთაშორისო უნივერსიტეტი კანონის სრული დაცვით ახორციელებს.
შესაბამისი წესით დადგენილი ნებართვა კი, რომლითაც უნივერსიტეტიც ხელმძღვანელობს ითვალისწინებს ყველა დაზიანებულ, ბუნებრივი გარემოდან ამოსაღებ ხეზე საქართველოს კანონმდებლობის შესაბამისი ნებართვის ქონას. თუ კი რაიმე მიზეზით ხდება დაზიანებული ხეების გამოხშირვა, სანაცვლოდ ხორციელდება ახალი ნერგების შეტანა და დარგვა გამწვანებულ ზოლში.
ნიშანდობლივია ასევე ის, რომ ადგილი, სადაც მიმდინარეობს უნივერსიტეტის კამპუსის მშენებლობა არის ჭაობიანია და მშენებლობის დაწყებამდე აღმოჩნდა,რომ მრავალი ხე დაავადებული ან გამხმარი იყო ჭარბტენიანობის გამო. ამ ეტაპზე, სამშენებლო პროცესების პარალეულარად, უნივერსიტეტის ტერიტორიაზე მიმდინარეობს სადრენაჟე სისტემების დამონტაჟება, რაც ხელს შეუწყობს ტყის შენარჩუნებას და გამრავალფეროვნებას.” – ნათქვამია ქუთაისის საერთაშორისო უნივერსიტეტის მიერ გავრცელებულ ინფორმაციაში.
დღეს დილით პარტია “თავისუფალი საქრთველოს” იმერეთის ბიუროს ხელმძღვანელმა გოგი წულაიამ მუხნარის ტყეში ხეების ჩეხვის შესახებ ბრიფინგი გამართა.
https://www.facebook.com/MEGATVgeOfficial/videos/2261589820801788/
