“შეუძლებელია თავი მოეკლა, სულ ვეუბნებოდი ბავშვის ხასიათი გაქვს- მეთქი” – გარდაცვლილი ზურა ჭონიშვილის მეუღლე “ქუთაისი პოსტს” ესაუბრა. როგორც ნინო ჭონიშვილმა განაცხადა მას მეუღლესთან კარგი ურთიერთობა ჰქონდა და თვითმკვლელობის ფაქტის დაჯერება უჭირს:
“მე დიდი ხანია საბერძნეთში ვარ, ძალიან კარგი ურთიერთობა გვქონდა. გუშინ რამდენიმე საათის განმავლობაში ვურეკავდი და ყურმილს არ იღებდა, შემდეგ მეზობელს ვთხოვე შესულიყო და გაეგო ხომ არაფერი უჭირდა. ცოტა ხანში კი გავიგე, რომ თავი მოუკლავს. მას ისეთი ხასიათი ჰქონდა შეუძლებელია თავი მოეკლა, სულ ვეუბნებოდი ბავშვის ხასიათი გაქვს- მეთქი. დილით ბავშვის ხალიჩას წმენდდა, ჩვეულებრივად მესაუბრებოდა და როგორ დავიჯერო, რომ უცებ თავის მოკვლა გადაწყვიტა? ვფიქრობ, ეს არ არის თვითმკვლელობა. 180 მეტრი სიმაღლის კაცი, 230 მეტრზე როგორ ჩამოეკიდებოდა? ისიც გაუგებარია ვის უნდა მოეკლა იგი”, – ამბობს გარდაცვლილის მეუღლე ნინო ჭონიშვილი.
მამაკაცმა საკუთარ სახლში თავი გუშინ ჩამოიხრჩო.
შინაგან საქმეთა სამინისტროს განცხადებით გამოძიება სისხლის სამართლის კოდექსის 115-ე მუხლით მიმდინარეობს რაც თვითმკვლელობამდე მიყვანას გულისხმობს.
ვინ არის მამაკაცი, რომელიც ქუთაისში, საკუთარ სახლში ჩამომხრჩვალი იპოვეს
