საქართველოს ჯანდაცვის მინისტრის განცხადებით, დღეს ამოქმედებული შეზღუდვები ეპიდვითარებას მნიშვნელოვნად გააუმჯობესებს.
ეკატერინე ტიკარაძის თქმით, შედეგის დანახვას დაახლოებით 2 კვირაში იქნება შესაძლებელი.
“დღეს დაწყებული შეზღუდვები დაახლოებით 80%-ით გააუმჯობესებს იმ ეპიდვითარებას, რომელიც ამ ეტაპისთვის გვაქვს. თუმცა იმისთვის, რომ ეს ჩვენ ფაქტობრივად დავინახოთ, საჭიროებს გარკვეულ პერიოდს და ეს პერიოდი, როგორც უკვე მთელმა საზოგადოებამ იცის, 2 კვირის ვადაში განიხილება ხოლმე”, – აღნიშნავს ეკატერინე ტიკარაძე.
ცნობისთვის, გართულებული ეპიდემიოლოგიური მდგომარეობის გამო, საკოორდინაციო საბჭოს გადაწყვეტილებით ქვეყანაში დღეიდან დამატებითი შეზღუდვები ამოქმედდა.
