საქართველოს უნივერსტეტმა ქუთაისში მდებარე იმერეთის რეგიონულ ოფისში ბიბლიოთეკა გახსნა. ბიბლიოთეკა საგანმანათლებლო-სოციალური პროექტის ფარგლებში გაიხსნა და მისი მეშვეობით ადგილობრივი მოსახლეობა დამატებით საგანმანათლებლო ბენეფიტს მიიღებს.
გარდა დარგობრივი ქართული თუ უცხოენოვანი ლიტერატურისა, აქ მკითხველს მხატვრული და საბავშვო ლიტერატურის მოძიებაც შეეძლება. ასევე, ხელმისაწვდომია სახელმძღვანელოები, რომლებიც განსაკუთრებულ დახმარებას გაუწევს მოსწავლეებს (მე-11, მე-12) და მასწავლებლებს. ბიბლიოთეკით სარგებლობა კი შეეძლება ყველას. საქართველოს უნივერსტეტის მსგავსი საბიბლიოთეკო სივრცეები საქართველოს 6 რეგიონში გაიხსნება.