ქუთაისს დღეს ბერლინთან ახლოს მდებარე ქალაქ ერკნერის „ხელოვნების მოყვარულთა კავშირის“ წევრები ეწვივნენ . გერმანელი სტუმრები საქართველოში გერმანული ენისა და ლიტერატურის მასწავლებლის ნატო აბესაძის შუამდგომლობით უკვე მეოთხედ იმყოფებიან. ნატო აბესაძემ მათ ქუთაისის აეროპორტში მხატვარ ლევან გოგიტაძესთან ერთად გულთბილი შეხვედრა მოუწყო. ვიზიტის მიზანია მოინახულონ მათი პარტნიორი ქუთაისის მხატვართა კავშირი და სამხატვრო სტუდიები ქუთაისსა და თბილისში. ვიზიტის ფარგლებში ხელოვნების მოყვარულები ლევან გოგიტაძის სამხატვრო სტუდიას ეწვევიან და „ახალგაზრდული ხელოვნების პროზის” საერთაშორისო კონკურსში მონაწილე და გამარჯვებულ მოსწავლეებს შეხვდებიან, ასევე დაგეგმილია ვიზიტი გალერეა ვარლასა და სულაკაურების სამხატვრო სტუდიაში.
კახეთში პენსიონერი დააყაჩაღეს – წაღებულია 7000 ლარამდე ნაღდი ფული და ოქროული
თელავის მუნიციპალიტეტის სოფელ ვანთაში პენსიონერი დააყაჩაღეს. 70 წლამდე ქალის სახლში რამდენიმე შეიარაღებული ნიღბიანი შეიჭრა. ადგილობრივი მედიის ინფორმაციით, ნიღბიანებმა ქალი დააბეს და იძულების წესით ათქმევინეს, სად ინახავდა ფულს და ძვირფასეულობას. შედეგად მათ...
