ქუთაისელი მოფარიკავე სანდრო ბაზაძე საფრანგეთის საკლუბო ჩემპიონატის გამარჯვებული გახდა.
საქართველოს მოფარიკავეთა ნაკრების ლიდერმა ორლეანის ფარიკაობის კლუბ ,,Cercle d’Escrime Orleanais”- რიგებში საფრანგეთის გუნდურ ჩემპიონატში იასპარეზა.
შეჯიბრებაზე 27 გუნდი გამოდიოდა. ქართველი სპორტსმენის კლუბმა პირველ წრეში ბოლად აპიტის გუნდს მოუგო, ხოლო სანდრო ბაზაძემ ფრანგთა ლიდერს 5:2 სძლია. ორლეანელებმა კიდევ ორი მეტოქე ჩამოიშორეს გზიდან, ფინალში კი საფრანგეთის ნაკრების წევრებით დაკომპლექტებულ გუნდს შეხვდნენ. ბოლო ორთაბრძოლის წინ მოწინააღმდეგესთან – 37:40 მარცხდებოდნენ, მაგრამ ორლეანელებს გამარჯვება სწორედ სანდრო ბაზაძემ მოაპოვებინა. გადამწყვეტ პაექრობაში მან ვისენტ ანსტეტს მოუგო და თავის გუნდს საფრანგეთის ჩემპიონის ტიტული მოაგებინა.